Enable Javscript for better performance
மத்தியில் பாஜக மீண்டும் பெரும்பான்மையுடன் ஆட்சியமைக்கும்: பொன்.ராதாகிருஷ்ணன்- Dinamani

உடனுக்கு உடன் செய்திகள்

    மத்தியில் பாஜக மீண்டும் பெரும்பான்மையுடன் ஆட்சியமைக்கும்: பொன்.ராதாகிருஷ்ணன்

    By கடலூர்  |   Published On : 27th April 2019 07:19 AM  |   Last Updated : 27th April 2019 07:19 AM  |  அ+அ அ-  |  

    ponnar

    மத்தியில் பாஜக மீண்டும் அறுதிப் பெரும்பான்மையுடன் ஆட்சியமைக்கும் என மத்திய அமைச்சர் பொன்.ராதாகிருஷ்ணன் நம்பிக்கை தெரிவித்தார்.

    கடலூர் மாவட்ட பாஜக முன்னாள் பொதுச் செயலர் மு.சக்திகணபதி அண்மையில் காலமானார். இதையடுத்து, கடலூரில் உள்ள அவரது வீட்டுக்கு பொன்.ராதாகிருஷ்ணன் வெள்ளிக்கிழமை வந்தார். அவரது குடும்பத்தினருக்கு ஆறுதல் கூறிய அவர், பின்னர் செய்தியாளர்களிடம் கூறியதாவது: காங்கிரஸ் கட்சி மிகப் பெரும் சரிவை எட்டுவதற்கு காரணகர்த்தாவாக இருப்பவர் ப.சிதம்பரம். அவரது ஒவ்வொரு வார்த்தையும் அந்தக் கட்சிக்கு சரிவை ஏற்படுத்துகிறது. மத்தியில் மிகப்பெரிய பெரும்பான்மையுடன் பாஜக ஆட்சி மீண்டும் அமைவது உறுதி.

    பிரதமர் மோடியை எதிர்த்துப் போட்டியிடுவதற்கு காங்கிரஸ் கட்சியால் நிறுத்த திட்டமிடப்பட்டிருந்த பிரியங்கா களத்தில் நிற்காமல் ஓடிவிட்டார். அவர் போட்டியிட்டால் வைப்புத் தொகை கூட கிடைக்காது. காங்கிரஸ் கட்சி ஏறக்குறைய 60 ஆண்டுகள் நாட்டை ஆட்சி செய்தும், நாடு அடைய வேண்டிய உச்சத்தை அடையவில்லை. ஆனால், 60 மாத கால மோடி ஆட்சியில் மிகப் பெரிய வெற்றியை நாட்டுக்கு கொடுத்துள்ளார். அரசின் அனைத்துத் துறைகளும் பெரிய சாதனைகளைப் புரிந்துள்ளன. தமிழக விவசாயிகள் தில்லியில் மாதக்கணக்கில் போராட்டம் நடத்தினர்.

    காங்கிரஸ் ஆட்சியின்போது விவசாயத் துறையில் ஏற்பட்ட தோல்வியே தமிழக விவசாயிகளின் போராட்டத்துக்கு காரணம். தேர்தல் ஆணையம் மத்திய அரசின் கைப்பாவையாகச் செயல்படுவதாக திமுக கூறி வருகிறது. எனது காரைகூட தேர்தல் ஆணையத்தினர் சோதனையிட்டனர். அவர்களுக்கு ஒத்துழைப்பு அளிக்க வேண்டியது எனது கடமை. கன்னியாகுமரி மக்களவைத் தொகுதியில் மீனவர்கள் வசிக்காத பகுதியிலும் வாக்காளர் பட்டியலில் பெயர் நீக்கம் செய்யப்பட்டுள்ளது. ஒவ்வொரு வாக்குச் சாவடியிலும் குறைந்தபட்சம் 30 பேருக்கு வாக்கு இல்லாத நிலை ஏற்பட்டுள்ளது.

    சாதி, மத பிரச்னையை தமிழகத்தில் உருவாக்கியதே காங்கிரஸ், திமுக கட்சிகள்தான். இதை வைத்தே அந்தக் கட்சிகள் அரசியல் செய்கின்றன என்றார் அவர்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp