ஆசிய சாம்பியன்ஷிப் வலுதூக்கும் போட்டியில் தங்கம் வென்ற நவீனுக்கு துணை முதல்வர் ஓ.பன்னீர்செல்வம் வாழ்த்து தெரிவித்துள்ளார்.
ஆசிய சாம்பியன்ஷிப வலுதூக்கும் போட்டி ஹாங்காங்கில் அண்மையில் நடைபெற்றது. இதில் இந்தியா சார்பில் கலந்துகொண்ட தமிழக வீரரும், சென்னையை சேர்ந்தவருமான நவீன் 3 தங்கப் பதக்கம் வென்றதோடு, ஒரு வெண்கலப் பதக்கமும் வென்று சாதனை படைத்தார்.
இதுகுறித்து துணை முதல்வர் ஓ.பன்னீர்செல்வம் தனது டிவிட்டரில்,
ஹாங்காங்கில் நடைபெற்ற 16வது சர்வதேச பளுதூக்கும் போட்டியில் இந்தியா சார்பில் பங்கேற்ற சென்னை அயனாவரத்தை சேர்ந்த வீரர் நவீன் 3 தங்கப் பதக்கங்கள் வென்று தாயகத்திற்கு பெருமை சேர்த்துள்ளார்.
அவர் மென்மேலும் வெற்றிகள் குவித்து சாதனைப் பயணத்தை தொடர எனது மனமார்ந்த வாழ்த்துகள்! இவ்வாறு அவர் கூறியுள்ளார்.