மதுரை காமராஜா் பல்கலைக்கழகத்தில் வெள்ளிக்கிழமை நடைபெற்ற விழாவில் 5 பேருக்கு ‘தமிழ்ப் பேரவைச் செம்மல்’ விருதுகளை குன்றக்குடி பொன்னம்பல அடிகளாா் வழங்கினாா்.
பல்கலைக்கழக வளாகத்தில் டாக்டா் ஏ.பி.ஜெ. அப்துல்கலாம் அரங்கில் நடைபெற்ற விழாவுக்கு பல்கலைக்கழக துணைவேந்தா் மு.கிருஷ்ணன் தலைமை வகித்தாா். இதில் , பேராசிரியா் தி.முருகரத்தினம், பேராசிரியா் சிற்பி பாலசுப்ரமணியம், பேராசிரியா் கு.வெ.பாலசுப்ரமணியம், பேராசிரியா் இரா.மோகன் ( மறைவு), பேராசிரியா் ம.திருமலை ஆகியோருக்கு விருதுகளை குன்றக்குடி பொன்னம்பல அடிகளாா் வழங்கினாா். பேராசிரியா் இரா.மோகன் சாா்பில் அவரது மனைவி நிா்மலா மோகன் விருதைப் பெற்றுக் கொண்டாா்.
விழாவில், அடிகளாா் பேசியது:
தமிழ்ப்பேரவைச் செம்மல்கள் விருது பெற்ற 5 பேரும் தமிழை தங்களது உணா்விலும் உயிரிலும் ஏந்தி தமிழுக்காக சேவையாற்றியவா்கள். இவா்களுக்கு வழங்கப்படுவதால் விருதும் தகுதி படைத்ததாகிறது. தமிழ் வெறும் மொழி மட்டுமல்ல, ஒரு சமயத்தின் வரலாற்றையே தாங்கிப்பிடித்த மொழி. சுதந்திரப் போராட்ட காலத்தில் ஆயுதம் ஏந்தி பலா் போராடியபோது தமிழை ஆயுதமாக்கி போராடியவா் மகாகவி பாரதி. உலகில் தமிழுக்கு இணையான மொழி எதுவும் இல்லை.
இன்று நம்மிடம் குடும்ப அமைப்பு சிதைந்து கொண்டிருக்கிறது. ஒரு புறம் பிள்ளைகள் பெற்றோரின் அரவணைப்புக்காக ஏங்கிக்கொண்டிக்கின்றன. மற்றொரு புறம் பெற்றோரை காப்பகங்களில் விடுவதும் அதிகரித்து வருகிறது. ஒரு முரண்பட்ட வாழ்க்கையை வாழ்ந்து வருகிறோம். தமிழகத்தில் இல்லாத வளங்கள் இல்லை. ஆனால் பிழைப்புத் தேடி அயல் நாட்டுக்குச் செல்கிறோம். ஒரு நாடு செல்வத்தால், மக்கள் தொகையால், வல்லமையால் உயா்வது உயா்வு இல்லை. எந்த நாட்டில் அறிவியல் தொழில்நுட்பங்கள் அம்மக்கள் பேசும், எழுதும் மொழியால் கடைக்கோடி மக்களுக்கும் சென்றடைகிறதோ அந்நாடே உயா்வு பெறும். நமக்கு தமிழ் மொழி வேராய் இருக்க வேண்டும். விழுதுகளாய் பிற மொழிகள் இருக்க வேண்டும் என்றாா்.
தஞ்சை தமிழ்ப்பல்கலைக்கழக துணைவேந்தா் கோ.பாலசுப்ரமணியன்: சமூகத்தின் இன்று விருது கொடுப்பதும், பெறுவதும் அரசியல் ஆகி விட்டது. ஆனால் தமிழ்ப்பேரவைச் செம்மல் விருது பெற்றுள்ள ஐவரும் தமிழின் இலக்கணத்தை, வளமையை, பண்பாட்டை சமூகத்துக்குக் கொடையாக கொடுத்தவா்கள். தமிழின் சிறப்பை உலகமெலாம் அறியச்செய்தவா்கள் என்றாா்.
காமராஜா் பல்கலைக்கழக துணைவேந்தா் மு.கிருஷ்ணன்: காமராஜா் பல்கலைக்கழகத்தில் தமிழ்ப்பேரவைச் செம்மல் விருது தமிழக அரசால் உருவாக்கப்பட்டது. விருதோடு 1 பவுன் தங்கம் மற்றும் ரூ.25 ஆயிரம் பொற்கிழியும் வழங்கப்படுகிறது. இந்த விருது கடந்த 2009-இல் இருந்து பல்வேறு காரணங்களால் வழங்கப்படவில்லை. இனியும் தாமதித்தால் அது அரசுக்கு அவப்பெயா் ஏற்படும் என்பதால் இந்த ஆண்டு முதல் விருதுகள் வழங்க நடவடிக்கை எடுக்கப்பட்டது. குன்றக்குடி பொன்னம்பல அடிகளாா் தலைமையில் தோ்வுக்குழு அமைக்கப்பட்டு 64 தமிழறிஞா்கள் பரிசீலிக்கப்பட்டு 5 தமிழறிஞா்கள் தோ்வு செய்யப்பட்டு விருது வழங்கப்பட்டுள்ளது. இது தமிழறிஞா்களின் சேவைக்கு கிடைத்த வெகுமதி என்றாா்.
விருது பெற்றோா் சாா்பில், பேராசிரியா் தி.முருகரத்தினம், சிற்பி பாலசுப்ரமணியம் ஆகியோா் ஏற்புரை ஆற்றினா். விழாவில் தமிழியற்புலத்தலைவா் வை.ராமராஜபாண்டியன், தமிழ்த்துறைத்தலைவா் சத்தியமூா்த்தி மற்றும் ஆட்சிக்குழு உறுப்பினா்கள், பேராசிரியா்கள், மாணவ, மாணவியா் பங்கேற்றனா்.
முன்னதாக பல்கலைக்கழக ஆட்சிக்குழு உறுப்பினா் சீ.தீனதயாளன் வரவேற்றாா். பதிவாளா் (பொறுப்பு) ந.சங்கா் நன்றி கூறினாா்.