மக்களவைக்கான 17-ஆவது பொதுத் தேர்தலில் திமுக தலைமையிலான கூட்டணியில் இந்திய ஜனநாயக கட்சி இடம்பெற்றுள்ளது. இதையடுத்து அக்கட்சிக்கு பெரம்பலூர் மக்களவைத் தொகுதி ஒதுக்கீடு செய்யப்பட்டுள்ளது.
இந்நிலையில், பெரம்பலூர் தொகுதியில் ஐஜேகே வேட்பாளராக அக்கட்சியின் நிறுவனர் பாரிவேந்தர் போட்டியிடுவார் என ஞாயிற்றுக்கிழமை அறிவிக்கப்பட்டுள்ளது. மேலும் அவர் திமுக-வின் உதய சூரியன் சின்னத்தில் போட்டியிடவுள்ளதாக தெரிவிக்கப்பட்டது.
இதையடுத்து ஜஜேகே நிறுவனர் பாரிவேந்தர், திமுக தலைவர் மு.க.ஸ்டாலினை நேரில் சந்தித்து வாழ்த்து பெற்றார்.