முன்னாள் அமைச்சர் என்.செல்வராஜ் காலமானார்

முன்னாள் திமுக அமைச்சர் என்.செல்வராஜ் உடல்நலக்குறைவால் இன்று (செவ்வாய்கிழமை) காலமானார். 

திமுக திருச்சி மாவட்ட செயலாளராகவும், 2006-11 திமுக ஆட்சிக்காலத்தில் அமைச்சர் பதவியும் வகித்தவர் என்.செல்வராஜ். இவர் கடந்த சில நாட்களாகவே உடல்நலக் குறைவு காரணமாக மருத்துவமனையில் அனுமதிக்கப்பட்டு சிகிச்சை பெற்று வந்தார். எனினும், சிகிச்சை பலனின்றி அவர் இன்று மாலை காலமானார். அவருக்கு வயது 75. 

இவரது மறைவுக்கு அதிமுக ஒருங்கிணைப்பாளரும் துணை முதல்வருமான ஓ.பன்னீர்செல்வம், அதிமுக துணை ஒருங்கிணைப்பாளரும் முதல்வருமான எடப்பாடி கே. பழனிசாமி ஆகியோர் இரங்கல் தெரிவித்துள்ளனர்.