சென்னை அண்ணா அறிவாலயத்தில் திமுக தலைவர் மு.க.ஸ்டாலினை பாஜக தேசியச் செயலர் ஹெச்.ராஜா சனிக்கிழமை சந்தித்ததாக தகவல்கள் வெளியாகியுள்ளது.
அப்போது, தனது இளைய மகளின் திருமண அழைப்பிதழை ஸ்டாலினிடம் வழங்கி திருமண வரவேற்பு நிகழ்ச்சியில் பங்கேற்குமாறு அழைப்பு விடுத்ததாக தகவல்கள் தெரிவிக்கின்றன.
முன்னதாக, பிரதமர் நரேந்திர மோடி, சூப்பர்ஸ்டார் ரஜினிகாந்த், தேமுதிக தலைவர் விஜயகாந்த் உள்ளிட்ட பிரபலங்கள் மற்றும் அரசியல் கட்சித் தலைவர்களை நேரில் சந்தித்து தனது இளைய மகளின் திருமண வரவேற்பு நிகழ்ச்சியில் பங்கேற்குமாறு அழைப்பு விடுத்தார்.