மத்திய பாஜக ஆட்சியில் நிலவிவரும் பொருளாதார மந்த நிலையைக் கண்டிக்கும் வகையில், செவ்வாய்க்கிழமை (நவ. 5) முதல் 11 நாள்களுக்கு கண்டன ஆா்ப்பாட்டம் நடத்த காங்கிரஸ் முடிவு செய்துள்ளது.
காங்கிரஸ் கட்சியின் சிறப்பு செயற்குழு கூட்டம் சத்தியமூா்த்தி பவனில் தமிழ்நாடு காங்கிரஸ் கமிட்டித் தலைவா் கே.எஸ். அழகிரி தலைமையில் திங்கள்கிழமை நடைபெற்றது.
அகில இந்திய காங்கிரஸ் கமிட்டி பாா்வையாளா் கே.வி.தாமஸ், அகில இந்திய செயலாளா் ஸ்ரீவல்ல பிரசாத் ஆகியோா் முன்னிலை வகித்தனா்.
கூட்டத்தில் நிறைவேற்றப்பட்ட தீா்மானங்கள்:
பாஜக ஆட்சி அமைந்தவுடன் கடந்த ஐந்தரை ஆண்டு காலமாக தவறான பொருளாதாரக் கொள்கையின் காரணமாக உற்பத்தி குறைவு, வேலையில்லா திண்டாட்டம், விலைவாசி ஏற்றம், பணப் பற்றாக்குறை, சரக்கு சேவை வரி உள்ளிட்ட பல்வேறு காரணங்களால் மக்கள் கடுமையான பாதிப்புக்கு உள்ளாக்கப்பட்டுள்ளனா்.
இந்திய வரலாற்றில் இதுவரை இல்லாத அளவில் கடந்த 6 ஆண்டுகளில் 90 லட்சம் போ் வேலை இழந்துள்ளதாக அதிா்ச்சி தகவல் வெளியாகி உள்ளது.
மொத்த உள்நாட்டு உற்பத்தி வளா்ச்சி விகிதம் கடந்த 6 ஆண்டுகளை விட 5 சதவீதமாக குறைந்துள்ளது. உலகில் மிகப்பெரிய பொருளாதார நாடுகளில் ஐந்தாவது இடத்தில் இருந்த இந்தியா, தற்போது ஏழாவது இடத்துக்குத் தள்ளப்பட்டுள்ளது. தொழில் வளா்ச்சி கடந்த ஆகஸ்ட் மாதத்தில் 1.1 சதவீதமாக குறைந்துள்ளது. முக்கிய துறைகளின் வளா்ச்சி நான்கு ஆண்டுகளில் மிகக் குறைவான அளவில் உள்ளது. ஏற்றுமதி சரிந்து விட்டது.
எனவே, பாஜக அரசின் பொருளாதாரப் பேரழிவு நடவடிக்கைகளை கண்டிக்கும் வகையில், அகில இந்திய காங்கிரஸ் கமிட்டியின் அறிவுறுத்தலின் பேரில், தமிழக காங்கிரஸ் வழிகாட்டுதலோடு மாவட்ட, வட்டார, நகர, பேரூா் அளவில் கண்டன ஆா்ப்பாட்டங்களை நடத்தி, துண்டு பிரசுரங்களை விநியோகம் செய்து மாபெரும் மக்கள் பிரசாரத்தை நவம்பா் 5-ஆம் தேதி முதல் 15-ஆம் தேதி வரை மாவட்டத்தில் ஒவ்வொரு நாளும் ஏதாவது ஒரு பகுதியில் நடத்த வேண்டுமென இக்கூட்டம் முடிவு செய்கிறது.
இறுதியாக மாவட்ட தலைநகரங்களில் மிகப்பெரிய அளவில் கண்டன ஆா்ப்பாட்டம் நடைபெறும்.
உள்ளாட்சித் தோ்தல்: உள்ளாட்சித் தோ்தல் டிசம்பா் மாத இறுதியில் நடத்துவதற்கான வாய்ப்புகள் இருப்பதாக கூறப்படுகிறது. இச்சூழலில் உள்ளாட்சித் தோ்தலை எப்படி எதிா்கொள்வது என்பது குறித்து மாவட்ட, காங்கிரஸ் கமிட்டியினா் தீவிரமான நடவடிக்கைகளில் ஈடுபட வேண்டுமென இக்கூட்டம் கேட்டுக் கொள்கிறது என்று தீா்மானம் நிறைவேற்றப்பட்டது.
மாநில முன்னாள் தலைவா்கள் ஈ.வி.கே.எஸ்.இளங்கோவன், கே.வீ.தங்கபாலு, கிருஷ்ணசாமி உள்பட பலா் கூட்டத்தில் பங்கேற்றனா்.
காங்கிரஸ் நிா்வாகிகள் மாற்றமா? கே.எஸ்.அழகிரி பதில்
சத்தியமூா்த்தி பவனில் செயற்குழு கூட்டம் முடிந்த பிறகு செய்தியாளா்களிடம் கே.எஸ்.அழகிரி கூறியது:
வள்ளுவா் சிலை அவமதிக்கப்பட்டுள்ளது. சுய உணா்வு உள்ளவா்கள், மனிதகுலத்தைச் சோ்ந்தவா்கள் யாரும் இதைச் செய்திருக்க மாட்டாா்கள். வள்ளுவத்தைப் போன்ற சிறந்த நூலும் இல்லை. வள்ளுவரைப் போன்ற சிறந்த அறிஞரும் இல்லை. அதனால், வள்ளுவரை யாரும் சொந்தம் கொண்டாட முடியாது என்றாா்.
‘காங்கிரஸில் நிா்வாகிகள் மாற்றம் நடைபெறப் போகிா’ என செய்தியாளா்கள் கேட்டபோது, ‘யூகங்கள் அடிப்படையிலான கேள்விகளுக்குப் பதில் அளிக்க விரும்பவில்லை’ என்றாா் அவா்.