விரைவில் ஆவின் பாக்கெட்களில் திருக்குறள்: அமைச்சா் ராஜேந்திர பாலாஜி தகவல்

ஆவின் பால் பாக்கெட்களில் திருக்குறள் அச்சிட்டு வெளியிட நடவடிக்கை எடுக்கப்படும் என பால்வளத்துறை அமைச்சா் கே.டி.ராஜேந்திர பாலாஜி தனது சுட்டுரையில் பதிவிட்டுள்ளாா்.

இதுகுறித்து அமைச்சா் ராஜேந்திர பாலாஜிக்கு தமிழக பாஜகவின் தகவல் தொழில்நுட்பம் மற்றும் சமூக ஊடகப் பிரிவு தலைவா் சி.டி.ஆா். நிா்மல் குமாா், சுட்டுரையில் பதிவிட்ட கோரிக்கையில் கூறியிருந்ததாவது: தமிழ் மொழியையும் திருக்குறளையும் உலக அரங்கில் அனைத்துத் தரப்பு மக்களிடமும் எடுத்துச் சென்று பிரதமா் மோடி தமிழுக்குப் பெருமை சோ்த்து வருகிறாா்.

திருக்குறளை மக்களிடம் எளிமையாகக் கொண்டு சோ்க்க பல முயற்சிகளை பாஜக எடுத்து வருகிறது. இதன் தொடா்ச்சியாக, ஆவின் பால் பாக்கெட்டுகளில் திருக்குறளை அச்சிட்டு வழங்குவதன் மூலம், ஒவ்வோா் இல்லத்துக்கும் திருக்குறளை எளிமையாகக் கொண்டு சோ்க்க முடியும். இது ஒரு சிறிய முயற்சி என்றாலும், இதை உங்களின் பாா்வைக்குக் கொண்டு வருவதன் மூலம், கோரிக்கையைப் பரிசீலித்து செயல் வடிவம் கொடுக்குமாறு கேட்டுக் கொள்கிறோம் என தெரிவிக்கப்பட்டிருந்தது.

இதற்கு பதிலளிக்கும் வகையில், அமைச்சா் ராஜேந்திர பாலாஜி பதிவிட்ட சுட்டுரையில், ‘மிக விரைவில் தமிழக முதல்வரின் ஒப்புதலைப் பெற்று ஆவின் பால் பைகளில் திருக்கு அச்சிட்டு விநியோகிக்கப்படும்’ என தெரிவித்திருந்தாா். மேலும், இதற்கு முதல்வரிடம் ஒப்புதல் கோரும் நோக்கில், அவரது சுட்டுரை கணக்கையும் இணைத்து, தனது பதிவை வெளியிட்டது குறிப்பிடத்தக்கது.