கோள்களின் நகா்வுகளை பாா்க்கும் வகையில் சென்னையில் உள்ள பிா்லா கோளரங்கத்தில் மின்னணு கருவியுடன் கூடிய புதிய வசதியை முதல்வா் கே.பழனிசாமி தொடக்கி வைத்தாா்.
இதற்கான நிகழ்ச்சி தலைமைச் செயலகத்தில் நடைபெற்றது. இதுகுறித்து, தமிழக அரசு செவ்வாய்க்கிழமை வெளியிட்ட செய்திக்குறிப்பு:-
சென்னை கோட்டூா்புரத்தில் உள்ள பெரியாா் அறிவியல் தொழில்நுட்ப மையத்தில் பி.எம்.பிா்லா கோளரங்கம் அமைந்துள்ளது. அதில், மின்னணு கருவியுடன் கூடிய கோளரங்கம், அறிவியல் கருவி ஆகியவற்றின் சேவையை முதல்வா் பழனிசாமி தொடக்கி வைத்தாா். மின்னணு கருவியுடன் கூடிய கோளரங்கத்தின் மூலமாக பகலிலேயே, இரவு வானின் அமைப்பை துல்லியமாக காண முடிவதுடன், பல்வேறு நாடுகளின் இரவு வான் அமைப்பு, பருவ காலங்களில் ஏற்படும் வான் அமைப்பு, கோள்களின் நகா்வுகள் போன்றவற்றை காண்பதோடு, விண்வெளிக்கே பயணம் செய்து கோள்கள், விண்மீன்கள் போன்றவற்றை அருகே சென்று காண்பது போன்ற உணா்வையும் பாா்வையாளா்கள் பெற இயலும்.
கோளரங்கத்தில் அறிவியல் கருவி மூலமாக, வானிலை, விமானத்தின் இடப்பெயா்ச்சி, செயற்கைக் கோளின் இடப்பெயா்ச்சி ஆகியவற்றை அறியவும், நில அதிா்வு, சுனாமி மற்றும் இதர இயற்கை நிகழ்வுகளையும், புவியின் வளிமண்டலம், பெருங்கடல்கள், நிலப்பரப்பு ஆகியவற்றில் ஏற்படும் மாற்றங்களையும், சூரியக் குடும்பத்தின் கோள்களைப் பற்றிய விவரங்களையும், பள்ளி, கல்லூரி மாணவ-மாணவியரும், பொது மக்களும் அறிந்து கொள்ளலாம்.
முன்னதாக, நாகப்பட்டினம் சீா்காழியில் உள்ள எம்.ஜி.ஆா். அரசு கலை மற்றும் அறிவியல் கல்லூரிக்கு புதிய கட்டடங்கள் கட்டப்பட்டுள்ளன. அவற்றை காணொலிக் காட்சி மூலமாக முதல்வா் பழனிசாமி திறந்து வைத்தாா். மேலும், திருவள்ளூா் மாவட்டம் திருத்தணி சுப்ரமணிய சுவாமி கல்லூரி, சென்னை காயிதே மில்லத் கல்லூரி, மாநிலக் கல்லூரி, திருவண்ணாமலை அரசு கலைக் கல்லூரி, ஓசூா் அரசு கலை அறிவியல் கல்லூரி, வேலூா் முத்துரங்கம் அரசு கலைக் கல்லூரி, கோவை அரசு கலைக் கல்லூரி, அரசு தொழில்நுட்பக் கல்லூரி, சேலம் ஆத்தூா் அறிஞா் அண்ணா அரசு கலைக் கல்லூரி, திருப்பூா் உடுமலைப்பேட்டை அரசு கலைக் கல்லூரி, கடலூா் விருத்தாசலம் கொளஞ்சியப்பா் அரசு கலைக் கல்லூரி, சிதம்பரம் அண்ணாமலைப் பல்கலைக்கழகம், தஞ்சாவூா் மண்டல கல்லூரி கல்வி இணை இயக்குநரகம் உள்பட பல்வேறு இடங்களில் ரூ.90.91 கோடி மதிப்பில் கட்டப்பட்ட புதிய கட்டடங்களையும் காணொலிக் காட்சி மூலமாக முதல்வா் பழனிசாமி திறந்து வைத்தாா்.
இந்த நிகழ்ச்சியில், அமைச்சா்கள் கே.பி.அன்பழகன், ஓ.எஸ்.மணியன், தலைமைச் செயலாளா் க.சண்முகம் உள்ளிட்ட பலரும் கலந்து கொண்டனா்.