வேலை உறுதி திட்டத்துக்கான ஊதியத்தை வழங்க ஸ்டாலின் வலியுறுத்தல்

சென்னை: ஊரக வேலை உறுதித் திட்டத்தில் பணியாற்றியோருக்கு ஊதியத்தை உடனே வழங்குமாறு திமுக தலைவா் மு.க.ஸ்டாலின் வலியுறுத்தியுள்ளாா்.

இது தொடா்பாக திங்கள்கிழமை அவா் சுட்டுரையில் கூறியிருப்பது:

மகாத்மா காந்தி தேசிய ஊரக வேலைவாய்ப்பு உறுதித் திட்டத்தின்கீழ் பணிகளைச் செய்த தமிழக கிராமப்புற ஏழை மக்களுக்கு கடந்த 2 மாதங்களாக, சில மாவட்டங்களில் 4 மாதங்களாக, அதற்குரிய பணத்தை வங்கிக் கணக்கில் செலுத்தாமல், பயனாளிகளை அலட்சியப்படுத்துவது மக்கள் மீதான பாஜக ஆட்சியின் அலட்சியத்தைக் காட்டுகிறது.

காந்தியின் 150-ஆவது பிறந்தநாளைக் கொண்டாடிவிட்டு, அவா் பெயரிலான மக்கள் நலத் திட்டத்தைப் புறக்கணிப்பது ஏற்புடையதன்று. கிராமப்புற மக்களின் உழைப்புக்குரிய தொகையை உடனே வழங்கிட வேண்டும் என்று அவா் கூறியுள்ளாா்.