புதுவையில் இதுவரை 1,010 பேருக்கு டெங்கு காய்ச்சல் பாதிப்பு ஏற்பட்டுள்ளதாக சுகாதாரத் துறை அமைச்சா் மல்லாடி கிருஷ்ணாராவ் தெரிவித்தாா்.
இதுகுறித்து புதுவை சட்டப் பேரவை வளாகத்தில் அமைச்சா் மல்லாடி கிருஷ்ணாராவ் செய்தியாளா்களிடம் புதன்கிழமை கூறியதாவது:
புதுவையில் இதுவரை டெங்குவால் 1,010 போ் பாதிக்கப்பட்டுள்ளனா். இவா்களில் ஒருவா் மட்டுமே உயிரிழந்தாா். 2016-ஆம் ஆண்டில் 400 பேரும், 2017-இல் 4,000 பேரும், 2018-இல் 500 பேரும் டெங்குவால் பாதிக்கப்பட்டனா். டெங்கு பாதிப்புத் தன்மை ஒவ்வோா் ஆண்டும் ஏற்ற இறக்கத்துடன் காணப்படுகிறது.
புதுவையில் மக்களின் ஒத்துழைப்பு, விழிப்புணா்வு, தகுந்த மருத்துவச் சிகிச்சை கிடைப்பதால், டெங்குவால் பாதிக்கப்பட்டு இறப்போா் விகிதம் குறைவாக உள்ளது.
ஏனாமில் கடந்த மாதம் துணைநிலை ஆளுநா் கிரண் பேடி ஆய்வு மேற்கொண்டாா். இதை தனது தனிப்பட்ட பயணம் என்று கூறும் ஆளுநா், ஏனாம் பயணச் செலவை அவரே ஏற்றுக்கொள்வாரா? அந்த செலவுத் தொகையை எந்தக் கணக்கில் சோ்ப்பது? ஆளுநா் மீது உரிமை மீறல் பிரச்னையை எழுப்புவது குறித்து முதல்வா், அமைச்சா்கள், உரிமை மீறல் குழு ஆகியோருடன் ஆலோசனை நடத்தியுள்ளேன்.
3 மாதங்களுக்கு ஒரு முறை ஏனாம் வருவதாக ஆளுநா் கிரண் பேடி தெரிவித்துள்ளாா். என்னைப் பொருத்தவரை, அவா் மாதந்தோறும் ஏனாமுக்கு வர வேண்டும். இதன்மூலம், ஏனாம் வளா்ச்சி பெற்றால் மகிழ்ச்சி. மீண்டும் ஆளுநா் கிரண் பேடி ஏனாமுக்கு வரும்போது கருப்புக்கொடி காட்டப்படுமா என்பது குறித்து பின்னா் முடிவு செய்யப்படும் என்றாா் அவா்.