தினமணி இணையதள வாசகர்களே.. உங்கள் பகுதியில் சாலைப் போக்குவரத்து, பழுதடைந்த சாலை, குடிநீர் விநியோகம், விதிமுறை மீறி பேனர் வைப்பது என ஏதேனும் பிரச்னைகள் இருந்துகொண்டே இருக்கும். அதை யாரிடம் தெரிவிப்பது என்ற குழப்பம் இருக்கிறதா? அந்தக் குழப்பத்தை போக்குவதற்காகவே தினமணி இணையதளம் இந்தப் புதிய நடைமுறையை மேற்கொள்ளவிருக்கிறது.
நீங்கள் வசிக்கும் பகுதியில் இருக்கும் பிரச்னையை புகைப்படம் எடுத்தும், ஒரு சிறிய பத்தியில் பிரச்னையின் விளக்கத்தை குறிப்பிட்டும் கீழே குறிப்பிட்டுள்ள மின்னஞ்சலுக்கு அனுப்புங்கள். அது தினமணி இணையதளத்தின் டிவிட்டர் மற்றும் இன்ஸ்டாகிராம் பக்கங்களில் உங்களது பெயருடன் பதிவேற்றப்படும்.
உங்கள் பிரச்னையை தினசரி சலித்துக்கொண்டு மனதுக்குள்ளேயே முணுமுணுத்துக்கொண்டு கடக்காமல் தினமணி இணையதளத்துடன் பகிருங்கள். மாற்றம் நம்மிடம் இருந்தே முதலில் பிறக்கட்டும்!
மின்னஞ்சல்: dinamani.readers@gmail.com