சென்னையில் ஆபரணத் தங்கம் வியாழக்கிழமை பவுனுக்கு ரூ.224 உயா்ந்து, ரூ.36,208-க்கு விற்பனை செய்யப்பட்டது.
கரோனா நோய்த்தொற்றின் தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்ளிட்ட பல்வேறு காரணங்களால் தங்கம் விலை உயா்ந்து வந்தது. கடந்த ஏப்ரல் 4-ஆம் தேதி ஒரு பவுன்ஆபரணத் தங்கம் ரூ.34 ஆயிரத்தைத் தாண்டி, புதிய உச்சத்தைத் தொட்டது. தொடா்ந்து, ஏப்ரல் 10-ஆம் தேதி ரூ.35 ஆயிரத்தையும், ஏப்ரல் 14-ஆம் தேதி அன்று ரூ.36 ஆயிரத்தையும் தாண்டியது. அதன்பிறகு, தங்கம் விலை ஏற்ற, இறக்கமாக இருந்து வருகிறது.
இந்நிலையில், சென்னையில் ஆபரணத் தங்கம் வியாழக்கிழமை பவுனுக்கு ரூ.224 உயா்ந்து, ரூ.36,208-க்கு விற்பனை செய்யப்பட்டது. ஒரு கிராமுக்கு ரூ.28 உயா்ந்து, ரூ.4,526-ஆக இருந்தது. வெள்ளி கிராமுக்கு 60 பைசா உயா்ந்து ரூ.53.90 ஆகவும், கட்டி வெள்ளி கிலோவுக்கு ரூ.600 உயா்ந்து, ரூ.53,900 ஆகவும் இருந்தது.
வியாழக்கிழமை விலை ரூபாயில் (ஜி.எஸ்.டி. தனி):
1 கிராம் தங்கம் ..................... 4,526
1 பவுன் தங்கம் ..................... 36,208
1 கிராம் வெள்ளி .................. 53.90
1 கிலோ வெள்ளி ................. 53,900
புதன்கிழமை விலை ரூபாயில் (ஜி.எஸ்.டி. தனி):
1 கிராம் தங்கம் ..................... 4,498
1 பவுன் தங்கம் ..................... 35,984
1 கிராம் வெள்ளி .................. 53.30
1 கிலோ வெள்ளி ................. 53,300