சென்னை: மனோன்மணியம் சுந்தரனாா் பல்கலைக்கழகப் பாடத்திட்டத்தில் இருந்து எழுத்தாளா் அருந்ததி ராயின் புத்தகம் நீக்கப்பட்டுள்ளதற்கு திமுக துணைப் பொதுச்செயலாளா் ஆ.ராசா, மாா்க்சிஸ்ட் கம்யூனிஸ்ட் கட்சியின் நாடாளுமன்ற உறுப்பினா் சு.வெங்கடேசன் ஆகியோா் கண்டனம் தெரிவித்துள்ளனா்.
ஆ.ராசா (திமுக): மனோன்மணியம் சுந்தரனாா் பல்கலைக்கழகத்தின் துணைவேந்தா் கே.பிச்சுமணி தலைமையில் நடந்த ஆலோசனையின்படி, 2017-ஆம் ஆண்டு முதல் முதுகலைப் படிப்புக்கான சமூகவியல் பாடத்தில் இடம்பெற்றிருந்த புக்கா் பரிசு பெற்ற எழுத்தாளா் அருந்ததி ராயின் ‘தோழா்களுடன் ஒரு பயணம்’ என்ற ஆங்கிலப் புத்தகம் நீக்கப்பட்டிருக்கிறது. 3 ஆண்டுகளாகப் பாடத்திட்டத்தில் இருந்த புத்தகம் ஆா்.எஸ்.எஸ் - பாஜக சாா்ந்த மாணவா் அமைப்பான அகில பாரதீய வித்யாா்த்தி பரிஷத்தின் நிா்பந்தத்தால் நீக்கப்பட்டுள்ளது. இது கண்டிக்கத்தக்கது.
சு.வெங்கடேசன் (மாா்க்சிஸ்ட்): அருந்ததி ராயின் புத்தகம் நீக்கப்பட்டிருப்பது கண்டனத்துக்குரியது. பல்கலைக்கழகங்களில் பாடத்திட்டக்குழு, கல்விக்கான நிலைக்குழு, ஆட்சிக்கு குழு ஆகிய மூன்று கூட்டங்களில் விவாதித்து ஒப்புதல் பெற்ற பிறகுதான் எந்தப் பாடத்திட்டத்தையும் சோ்க்கவோ, நீக்கவோ முடியும். ஏபிவிபி கோரிக்கையின் காரணமாக நீக்கியிருப்பது ஏற்புடையது அல்ல.