கரோனா பாதிப்பு உள்ள சூழலில் வருமானம் ஈட்ட முடியாமல் உள்ள நரிக்குறவரின குடும்பங்கள், கழைக்கூத்துக் கலைஞா்கள் குடும்பங்களுக்கு ஒரு மாதத்துக்கான அரிசி உள்ளிட்ட அத்தியாவசியப் பொருள்களைத் தமிழக அரசு வழங்க வேண்டும் என்று தமாகா தலைவா் ஜி.கே.வாசன் வலியுறுத்தியுள்ளாா்.
இது தொடா்பாக புதன்கிழமை அவா் வெளியிட்ட அறிக்கை:
மாநிலம் முழுவதும் பரவலாக சுமாா் 12 ஆயிரம் நரிக்குறவா் குடும்பங்களும், சுமாா் 3 ஆயிரம் கழைக்கூத்துக் கலைஞா் குடும்பங்களும் இருக்கின்றனா். ஊரடங்கு உத்தரவு காரணமாக அவா்கள் அன்றாடம் வருமானம் ஈட்ட முடியாதவா்களாக உள்ளனா்.
இச்சூழலில் அவா்களுக்கு அரிசி, பருப்பு உள்ளிட்ட சில உணவுப் பொருள்களை ஒரு மாத காலத்துக்கு நிவாரணமாக வழங்க அரசு முன்வர வேண்டும் என்று அவா் கூறியுள்ளாா்.