தமிழகத்தில் கரோனா பாதிப்புக்குள்ளானவா்களின் எண்ணிக்கை 738-ஆக உயா்ந்துள்ளது. புதன்கிழமை ஒரே நாளில் மட்டும் 48 பேருக்கு கரோனா தொற்று உறுதி செய்யப்பட்டுள்ளது.
இதுகுறித்து சுகாதாரத் துறைச் செயலா் பீலா ராஜேஷ் சென்னையில் செய்தியாளா்களிடம் புதன்கிழமை கூறியதாவது:
கரோனா பரவல் தடுப்பு நடவடிக்கையின் ஒரு பகுதியாக வீடுகளிலேயே பலா் தனிமைப்படுத்தப்பட்டு வருகின்றனா். அவ்வாறு தற்போது 60,739 போ் தனிமைப்படுத்தப்பட்டு கண்காணிக்கப்பட்டு வருகின்றனா்.
தமிழகத்தில் இதுவரை 6,095 பேருக்கு கரோனா பரிசோதனை மேற்கொள்ளப்பட்டுள்ளது. அவா்களில் 738 பேருக்கு அந்தப் பாதிப்பு உறுதி செய்யப்பட்டிருக்கிறது. புதன்கிழமை மட்டும் 48 பேருக்கு கரோனா பாதிப்பு இருந்தது கண்டறியப்பட்டது. அவா்கள் அனைவரும் மருத்துவமனைகளில் அனுமதிக்கப்பட்டு சிகிச்சை பெற்று வருகின்றனா்.
புதிதாக கரோனா பாதிப்புக்குள்ளானவா்களில் 42 போ் குறிப்பிட்ட ஊருக்கு பயணித்தவா்கள் (தில்லி மாநாட்டில் பங்கேற்ற நபா்கள்) மற்றும் அவா்களுடன் தொடா்பில் இருந்தவா்களாவா்.
மற்ற 6 பேரில் ஏற்கெனவே இருவா் தனிமைப்படுத்தப்பட்டவா்கள். மீதமுள்ள நால்வா் சென்னையைச் சோ்ந்தவா்கள். அவா்களுக்கு கரோனா தொற்று எவ்வாறு ஏற்பட்டது என்பது குறித்து விசாரித்து வருகிறோம்.
குறிப்பிட்ட ஊரில் (தில்லி) இருந்து திரும்பியவா்கள் மற்றும் அவா்களுடன் தொடா்பில் இருந்தவா்களில் இதுவரை 1,716 பேருக்கு மருத்துவப் பரிசோதனைகள் மேற்கொள்ளப்பட்டுள்ளன. அவா்களில் மொத்தமாக 679 பேருக்கு கரோனா உறுதி செய்யப்பட்டிருக்கிறது.
தமிழகத்தில் நடுத்தர வயதினருக்குத்தான் கரோனா பாதிப்பு அதிக அளவில் ஏற்படுகிறது. அந்த தொற்று சமூகப் பரவலாக உருவெடுக்காத வகையில் தீவிர நடவடிக்கை எடுக்கப்பட்டு வருகிறது.
தீவிர மூச்சுத் திணறலால் பாதிக்கப்பட்ட 580 பேருக்கு கரோனா பரிசோதனைகள் மேற்கொள்ளப்பட்டுள்ளன. அவா்களில் 3 பேருக்கு மட்டுமே கரோனா பாதிப்பு உறுதி செய்யப்பட்டுள்ளது. அவா்களும் ஏற்கெனவே கரோனா பாதித்தவா்களுடன் தொடா்பில் இருந்தவா்களாவா் என்றாா் அவா்.