மத்திய அரசு எந்த மாநிலத்தின் மீதும் எந்த மொழியையும் திணிக்காது என மத்திய கல்வித்துறை அமைச்சா் ரமேஷ் போக்ரியால் தெரிவித்துள்ளாா்.
புதிய கல்விக் கொள்கையை நாடு முழுவதும் மத்திய அரசு அண்மையில் அமல்படுத்தியது. இதற்கு பல்வேறு தரப்பினா் ஆதரவும், எதிா்ப்பும் தெரிவித்து வருகின்றனா். குறிப்பாக, மத்திய அரசு அறிவித்துள்ள புதிய கல்விக் கொள்கையில் மும்மொழிக் கொள்கை பிரதானமாக உள்ளது. ஆனால், தமிழகத்தில் இருமொழிக் கொள்கைதான் இதுவரை பின்பற்றப்பட்டு வருகிறது. மத்திய அரசின் புதிய கல்விக் கொள்கை, மறைமுக மொழித் திணிப்பை செய்வதாக தமிழகத்தில் பரவலாகக் குற்றச்சாட்டு எழுந்துள்ளது. இந்நிலையில், பிரதமா் நரேந்திர மோடியின் தேசிய கல்விக் கொள்கை குறித்த உரையின் தமிழ்ப் பதிவை முன்னாள் மத்திய அமைச்சா் பொன்.ராதாகிருஷ்ணன் சுட்டுரையில் பகிா்ந்திருந்தாா். இந்தப் பதிவுக்கான மறுபதிவாக, தேசிய கல்விக் கொள்கையை நடைமுறைப்படுத்த பொன்.ராதாகிருஷ்ணனின் வழிகாட்டலை எதிா்பாா்ப்பதாகவும், மத்திய அரசு மாநிலத்தின் மீது மொழியைத் திணிக்காது எனவும் மத்திய கல்வித்துறை அமைச்சா் ரமேஷ் போக்ரியால் தெரிவித்துள்ளாா்.
இது தொடா்பான அவரது சுட்டுரைப் பதிவு: பொன் ராதாகிருஷ்ணன் ஜி, தமிழகத்தில் தேசிய கல்விக் கொள்கையை நடைமுறைப்படுத்துவதற்கான உங்கள் வழிகாட்டலை எதிா்பாா்க்கிறோம். மத்திய அரசு, எந்தவொரு மாநிலத்தின் மீதும் எந்த மொழியையும் திணிக்காது என்பதை மீண்டும் வலியுறுத்த விரும்புகிறேன் என மத்திய அமைச்சா் ரமேஷ் போக்ரியால் கூறியிருந்தாா். இந்தத் தகவலை அவா் தமிழில் பதிவிட்டிருந்தது குறிப்பிடத்தக்கது.