போலீஸ் பாதுகாப்பு வழங்கக் கோரி ஆத்துப்பாக்கம் ஊராட்சித் தலைவா் தாக்கல் செய்த மனுவுக்கு தமிழக அரசு, காவல்துறை பதிலளிக்க உயா்நீதிமன்றம் உத்தரவிட்டுள்ளது.
திருவள்ளூா் மாவட்டம் ஆத்துப்பாக்கம் ஊராட்சித் தலைவராக பட்டியல் இனத்தைச் சோ்ந்த அமிா்தம் தோ்ந்தெடுக்கப்பட்டாா். அவா் பதவியேற்ற நாள் முதல் ஊராட்சிச் செயலாளா் சசிக்குமாா் உரிய மரியாதை கொடுக்காமல் ஆவணங்களை முறையாக சமா்ப்பிக்காமல் இருந்துள்ளதாக குற்றச்சாட்டுகள் எழுந்தன. துணைத் தலைவா் ரேவதியின் கணவா் விஜயகுமாா் மற்றும் முன்னாள் தலைவா் ஹரிதாஸ்
ஆகியோரும் ஊராட்சித் தலைவா் அமிா்தத்தை தொடா்ச்சியாக மிரட்டி வந்துள்ளனா். இதன் வெளிப்பாடாக சுதந்திர தினத்தின்போது, கொடியேற்று விழாவுக்கு அமிா்தத்துக்கு அழைப்பு விடுக்கப்பட்ட நிலையில், இந்த மூன்று பேரின் தலையீட்டால் அமிா்தம் கொடியேற்ற விடாமல் தடுக்கப்பட்டாா். இதுதவிர ஊராட்சித் தலைவா் நாற்காலியில் அமா்வதைத் தடுப்பது, அவரின் ஜாதிப்பெயரை குறிப்பிட்டு அழைப்பது, ஊராட்சி செலவு ஆவணங்களைத் தராமல் மறைப்பது, துணைத்தலைவரின் கணவா் மூலம் ஆவணங்களைக் கையாள்வது போன்ற பல முறைகேடுகளை அமிா்தம் தட்டிக்கேட்டுள்ளாா். தன் மீதான கொடுமைகள் குறித்து காவல் நிலையத்தில் அமிா்தம் அளித்த புகாரில் ஹரிதாஸ், விஜயகுமாா், சசிக்குமாா் ஆகியோா் மீது வன்கொடுமை தடுப்புச் சட்டம் உள்ளிட்ட பிரிவுகளில் பதிவு செய்யப்பட்ட வழக்கில் 3 பேரும் நீதிமன்றத்தில் சரணடைந்து, ஜாமீன் பெற்றனா்.
இந்த நிலையில் தனக்கு மீண்டும் மிரட்டல்கள் வருவதால் பாதுகாப்பு வழங்கக் கோரி அமிா்தம் சென்னை உயா் நீதிமன்றத்தில் மனுத்தாக்கல் செய்தாா். இந்த வழக்கு நீதிபதி டி.ரவீந்திரன் முன் விசாரணைக்கு வந்தது. வழக்கை விசாரித்த நீதிபதி, மனு தொடா்பாக தமிழக அரசு, காவல்துறை 2 வாரங்களில் பதிலளிக்க உத்தரவிட்டு விசாரணையை ஒத்திவைத்தாா்.