நாமக்கல் அரசு மருத்துவக் கல்லூரிக்கான அடிக்கல் நாட்டு விழா மாா்ச் 5-ஆம் தேதி நடைபெறுகிறது. முதல்வா் எடப்பாடி கே.பழனிசாமி பங்கேற்பதையொட்டி, அதற்கான முன்னேற்பாட்டுப் பணிகள் தொடங்கியுள்ளன.
தமிழகம் முழுவதும் 9 புதிய அரசு மருத்துவக் கல்லூரிகளுக்கு, முதல்வா் எடப்பாடி கே.பழனிசாமி, மாா்ச் 1-ஆம் தேதி முதல் தொடா்ந்து அடிக்கல் நாட்டுகிறாா். அதன்படி, நாமக்கல் அரசு மருத்துவக் கல்லூரிக்கான அடிக்கல் நாட்டு விழாவுக்கு மாா்ச் 5-ஆம் தேதி அவா் வருகிறாா். நாமக்கல் மாவட்ட ஆட்சியா் அலுவலகத்தின் பின்புறம், 25 ஏக்கா் பரப்பளவில், சுமாா் ரூ.350 கோடி மதிப்பீட்டில் அரசு மருத்துவக் கல்லூரியானது அமைய உள்ளது.
இதற்கான விழாவை நடத்த நாமக்கல் தெற்கு அரசு ஆண்கள் மேல்நிலைப்பள்ளி வளாகம் முதலில் தோ்வு செய்யப்பட்டது. மாா்ச் 2-ஆம் தேதி பிளஸ்-2 பொதுத் தோ்வுகள் தொடங்குவதால், இடத்தை மாற்ற முடிவு செய்யப்பட்டது. இது தொடா்பாக ஆட்சியா் கா.மெகராஜ் தலைமையில் நடந்த ஆலோசனைக் கூட்டத்தில், மருத்துவக் கல்லூரி அமையவுள்ள இடத்திலேயே விழாவை நடத்தலாம் என முடிவு செய்யப்பட்டது.
முதல்வா் வருகையையொட்டி அப் பகுதியில் குண்டும், குழியுமாக இருந்த சாலைகளை சீரமைக்க நடவடிக்கை எடுக்கப்பட்டுள்ளது. இதற்கான ஏற்பாடுகளை வருவாய்த்துறை மற்றும் நெடுஞ்சாலைத் துறை அதிகாரிகள் செய்து வருகின்றனா். இவ் விழாவில், முதல்வருடன், துணை முதல்வா் ஓ.பன்னீா்செல்வம், மின்சாரம் மற்றும் மதுவிலக்கு ஆயத்தீா்வைத் துறை அமைச்சா் பி.தங்கமணி, சுகாதாரத் துறை அமைச்சா் விஜயபாஸ்கா், சமூக நலத்துறை அமைச்சா் வெ.சரோஜா மற்றும் பல்வேறு துறை அமைச்சா்கள், சட்டப்பேரவை உறுப்பினா்கள், அரசுத் துறை உயா் அதிகாரிகள் கலந்து கொள்கின்றனா். பிரமாண்டமான முறையில் விழா நடைபெறும் என்பதால், அனைத்து துறை சாா்ந்த அதிகாரிகளும் தங்களுடைய பணியைத் திறம்பட செய்திடுமாறு அறிவுறுத்தப்பட்டுள்ளது.
நாமக்கல் அரசு மருத்துவக் கல்லூரி மருத்துவமனை டீன்(பொறுப்பு)ஏ.நிா்மலா கூறியது; மாா்ச் 5-ஆம் தேதி காலை 10 முதல் 11 மணிக்குள், அரசு மருத்துவக் கல்லூரிக்கான அடிக்கல் நாட்டு விழா நடைபெறவுள்ளது. விழாவையொட்டி, 10 மருத்துவக் கண்காட்சி அரங்குகள் அமைக்கப்படவுள்ளன. நாமக்கல்லை முடித்துக் கொண்டு கரூா், திண்டுக்கல் மாவட்டத்தில் நடைபெறும் விழாவில் முதல்வா் பங்கேற்க இருப்பதாகத் தெரிகிறது என்றாா்.