திமுக எம்.பி கனிமொழி தனது பிறந்தநாளையொட்டி இன்று தனது சகோதரரும், திமுக தலைவருமான மு.க.ஸ்டாலினிடம் வாழ்த்து பெற்றார்.
திமுக மகளிரணித் தலைவர் மற்றும் நாடாளுமன்ற உறுப்பினரான கனிமொழி, தனது பிறந்த நாளை முன்னிட்டு சென்னை ஆழ்வார்பேட்டையில் உள்ள தனது சகோதரரும், திமுக தலைவருமான மு.க.ஸ்டாலினை அவரது இல்லத்தில் சந்தித்து வாழ்த்து பெற்றார். மேலும், திமுக தலைவர்கள், அரசியல் கட்சியினர், தொண்டர்கள் பலரும் அவருக்கு வாழ்த்துக்களைத் தெரிவித்து வருகின்றனர்.
முன்னதாக கனிமொழி தனது பிறந்தநாளையொட்டி, சென்னை மெரினாவில் உள்ள கலைஞர் கருணாநிதியின் நினைவிடத்திலும், அறிஞர் அண்ணா நினைவிடத்திலும் மலர் வளையம் வைத்து அஞ்சலி செலுத்தினார்.
