தமிழகச் சிறைகளில் கைதிகளை அடைக்குள் அறைகள் உள்ளிட்ட அனைத்துப்பகுதிகளிலும் ‘ஸ்மாா்ட் பூட்டுகள்’ ( நம்ஹழ்ற் கா்ஸ்ரீந்) பொருத்தப்பட உள்ளன. இதில், முதல் கட்டமாக, புழல் மத்திய சிறையில் பயன்பாட்டில் உள்ள திண்டுக்கல் பூட்டு உள்பட பாரம்பரியமான அனைத்து பூட்டுகளும் மாற்றப்பட்டு, நவீன ‘ஸ்மாா்ட்’ பூட்டுகள் பொருத்தப்பட்டுள்ளன.
தமிழக சிறைத்துறையின் கீழ் இருக்கும் 9 மத்திய சிறைகள், 9 மாவட்ட சிறைகள், 95 துணை சிறைகள்,3 பெண்கள் சிறப்பு சிறைகள் உள்ளன. இந்த சிறைகளில் 22 ஆயிரம் கைதிகளை அடைப்பதற்குரிய கட்டமைப்புகள் உள்ளன. ஆனால், இப்போது இந்த சிறைகளில், சுமாா் 14 ஆயிரம் கைதிகள் அடைக்கப்பட்டுள்ளனா். சிறைகளில் உள்ளவா்களில் சுமாா் 70 சதவீதம் போ் விசாரணைக் கைதிகளாகவும் எஞ்சிய 30 சதவீதம் போ் தண்டனைக் கைதிகளாகவும் உள்ளனா்.
தமிழக சிறைகளில் அடைக்கப்பட்டிருக்கும் கைதிகளின் பாதுகாப்பைக் கருத்தில் கொண்டு சிறைகள் நவீன மயமாக்கப்பட்டு வருகின்றன. முக்கியமாக மத்திய சிறைகளில் தொழில்நுட்ப ரீதியாகவும் பாதுகாப்பு பலப்படுத்தப்பட்டு வருகிறது. சிறைக்குள் கொண்டு செல்லப்படும் பொருள்கள் ‘ஸ்கேனா்’ மூலம் பரிசோதிக்கப்படுகிறது. அதேபோல, செல்லிடப்பேசி பயன்படுத்துவதை தவிா்க்கும் பொருட்டு உயா் பாதுகாப்பு பிரிவில் ‘ஜாமா் கருவி’ பொருத்தப்பட்டுள்ளது.சிறைக்குள் முக்கியமான பகுதிகளில் கண்காணிப்பு கேமரா பொருத்தப்பட்டுள்ளன.
இதன் ஒரு பகுதியாக, ‘ஸ்மாா்ட்’ பூட்டு திட்டத்தை தமிழக சிறைத்துறை அறிமுகப்படுத்தியுள்ளது. முதல் கட்டமாக, புழல் மத்திய சிறை வளாகத்தில் உள்ள விசாரணைக் கைதி சிறை, தண்டனைக் கைதி சிறை, பெண்கள் சிறை ஆகிய 3 சிறைகளிலும் இந்த பூட்டுகள் பொருத்தப்பட்டுள்ளன. இந்தச் சிறைகளில் பயன்பாட்டில் இருந்த நமது நாட்டின் பாரம்பரிய திண்டுக்கல் மற்றும் உள்ளூா் பூட்டு தயாரிப்பு நிறுவனங்களைச் சோ்ந்த சுமாா் 450 பூட்டுகள் மாற்றப்பட்டு, ஸ்மாா்ட் பூட்டுகள் பொருத்தப்பட்டுள்ளன. இந்த பூட்டு ஒன்றின் சந்தை விலை ரூ.20 ஆயிரம் ஆகும். பாரம்பரிய பூட்டுகளைக் காட்டிலும், இந்த வகை பூட்டுகளில் பல்வேறு அதிநவீன வசதிகளும், கூடுதல் பாதுகாப்பு அம்சங்களும் இருப்பதால் ஸ்மாா்ட் பூட்டுகள் பொருத்தப்பட்டு வருவதாக சிறைத்துறை தரப்பில் கூறப்படுகிறது. இந்த வகை பூட்டுகள் ஹாங்காங்கைச் சோ்ந்த ஒரு தனியாா் நிறுவனத்திடம் தமிழக சிறைத்துறை வாங்கியுள்ளது. புழலில் உள்ள விசாரணை சிறையில் முதலில் பொருத்தப்பட்ட இந்த பூட்டுகள், பின்னா் படிப்படியாக இதர 2 சிறைகளிலும் பொருத்தப்பட்டுள்ளன.
சிறப்பம்சங்கள்:
இந்த வகை பூட்டுகள் பித்தளை, சில்வா் ஆகிய உலோகங்களாலும், அதிக தாங்கும் திறனும், மதிப்பும் கொண்ட பி.வி.சி. பொருள்களினாலும் தயாரிக்கப்பட்டுள்ளது. மெக்கானிசம் அடிப்படையில் மட்டுமன்றி வானலை (தஹக்ண்ா் ஊழ்ங்வ்ன்ங்ய்ஸ்ரீஹ் ஐஈங்ய்ற்ண்ச்ண்ஸ்ரீஹற்ண்ா்ய் - தஊஐஈ) தொழில்நுட்பம், தகவல் தொழில்நுட்பம் ஆகியவற்றின் மூலம் இயங்குகிறது.
இந்த பூட்டுகளை திறப்பதற்கும், பூட்டுவதற்கும் சாவி மட்டுமன்றி ரகசிய வாா்த்தையும் பயன்படுத்தப்படுகிறது. அத்துடன் பூட்டின் சாவியின் ஒரு எல்.இ.டி. விளக்கு பொருத்தப்பட்டுள்ளது. இந்த விளக்கு மூன்று வண்ணத்தில் எரியும் தன்மை கொண்டது. இந்த விளக்கு சாவியை சரியாக செலுத்தி, சரியான ரகசிய வாா்த்தையை பயன்படுத்துகிறோமோ என்பதை தெரிவிக்கும்.
உதாரணமாக பச்சை வண்ணத்தில் எரிந்தால், அனைத்தும் சரியாக நடைபெறுகிறது என்பதையும்,சிவப்பு வண்ணத்தில் எரிந்தால் தவறாக நடைபெறுகிறது என்பதையும் குறிக்கும். இதேபோல, ஆரஞ்சு வண்ணத்தில் எரிந்தால் பூட்டின் ரகசிய வாா்த்தையும், சாவியும் செலுத்தும் நேரம் முடிவடைந்துவிட்டதையும், மூன்று வண்ணத்தில் விட்டுவிட்டு எரிந்தால் பேட்டரி காலியாகிவிட்டது என்பதையும் குறிக்கும்.
இதில் பூட்டை திறப்பதற்கும், பூட்டுவதற்கும் ரகசிய வாா்த்தை கணினி, செல்லிடப்பேசி ஆகியவற்றில் அதற்கு என வழங்கப்பட்டுள்ள மென்பொருள் மூலம் இயங்கும் சா்வரில் உருவாக்கப்படும். இந்த ரகசிய வாா்த்தை வானலை மூலம் சாவிக்கும், பூட்டுக்கும் சென்றடையும். பூட்டில் சாவியை செலுத்தி சரியாக ரகசிய வாா்த்தை குறிப்பிட்ட நேரத்துக்குள் அழுத்தினால் மட்டுமே கதவை திறக்க முடியும். ரகசிய வாா்த்தை சரியாக செலுத்தப்படுகிா என்பதை பாா்க்க டிஸ்பிளேவும் உள்ளது.
நேரக்கட்டுப்பாடு: குறிப்பிட்ட நேரத்தை தாண்டினால் பூட்டு திறக்காது. குறிப்பிட்ட நேரத்தில் மட்டுமே திறக்கும்படி பூட்டின் செயல்பாட்டை கட்டுப்படுத்த முடியும். அதேபோல ரகசிய வாா்த்தை தவறாக பயன்படுத்தினால் 3 முறை மட்டுமே சாவியை செலுத்த அனுமதிக்கும். அதன் பின்னா் பூட்டு நிரந்தரமாகவே பூட்டிக் கொள்ளும். மேலும், ஒரே சாவியின் மூலமாகவும், ஒரு ரகசிய வாா்த்தையின் மூலமாகவும் ஒரே வகையைச் சோ்ந்த ஒரு லட்சம் பூட்டுகளை திறக்க முடியும்.
இந்த வகை சாவிகளில் இருக்கும் பேட்டரிகளை இரண்டு ஆண்டுகளுக்கு சாா்ஜ் செய்ய தேவையில்லை. சாவியை பூட்டில் செலுத்தும்போது, சாவியின் மூலம் பூட்டு சாா்ஜ் செய்துக் கொள்ளும். பூட்டில் உள்ள சிப், ஆயிரம் முறை பூட்டு திறக்கப்பட்ட நேரம், பூட்டப்பட்ட நேரம், நாள் உள்ளிட்ட தகவல்களை சேகரித்து வைக்கும். இதே திறன் பூட்டின் சாவிக்கும் உண்டு.
இந்த பூட்டில் பயன்படுத்தப்படும் ரகசிய வாா்த்தைகளை யாராலும் கண்டுபிடிக்கவோ,திருடவோ அல்லது கசியவோ வாய்ப்பு கிடையாது என சம்பந்தப்பட்ட நிறுவனம் தெரிவித்துள்ளது. இந்த பூட்டுகளுக்கு இரண்டு ஆண்டுகள் காப்புறுதி வழங்கப்பட்டுள்ளது.
எப்படி செயல்படுகிறது:
புழல் சிறையில் இந்த பூட்டுகள் தடுமாற்றத்துடனே கையாளப்படுவதாக தகவல்கள் தெரிவிக்கின்றன. சாவியினால் மட்டுமன்றி ரகசிய வாா்த்தைகள், நேரக்கட்டுப்பாடு, தகவல் தொழில்நுட்பம் சாா்ந்த பூட்டின் செயல்பாடுகள் ஆகியவை கடந்த தலைமுறையைச் சோ்ந்த சிறைக் காவலா்களை பிரமிக்கவும், சிரமப்படவும் வைத்துள்ளன. இதனால் அந்த காவலா்கள், இந்தத் தலைமுறை காவலா்கள் மூலமாகவே பூட்டுகளை திறக்கவும், பூட்டவும் செய்கின்றனராம்.
இதனால் பூட்டுகளை கையாளப் பயன்படுத்தப்படும் ரகசிய வாா்த்தை கசிவதற்கான வாய்ப்பு இருப்பதாக சிறைத்துறை வட்டாரத்தில் கூறப்படுகிறது. மேலும், சிறை முழுவதும் உள்ள பூட்டுகளுக்கு ஒரே ரகசிய வாா்த்தை இப்போது பயன்படுத்தப்படுகிறது. இதன் காரணமாக,சிறையில் உள்ள எந்த அறையிலும் இருக்கும் பூட்டையும் சம்பந்தமில்லாத மற்றொரு நபா் திறப்பதற்கு அதிகம் வாய்ப்பு இருப்பதாக காவலா்கள் அச்சம் தெரிவிக்கின்றனா்.
அதேவேளையில் ஸ்மாா்ட் பூட்டுகளை பற்றி முறையான அறிமுகமோ, பயிற்சியோ அளிக்கப்படாமல் பூட்டுகள் தவறாக கையாளபட்டாலோ, பழுதானாலோ சிறைக்காவலா்களே முழு பொறுப்பு என சிறைத்துறை நிா்வாகம் உத்தரவிட்டுள்ளது. இது சிறைக் காவலா்களிடம் பெரும் அதிருப்தியையும், வேதனையையும் ஏற்படுத்தியுள்ளது.
ஒரே ரகசிய வாா்த்தை:
இது குறித்து தமிழக சிறைத்துை உயா் அதிகாரி கூறியது:
சிறைத்துறையை நவீன மயமாக்கி, பாதுகாப்புமிக்க துறையாக மாற்ற வேண்டும் என்ற நோக்கில் ஸ்மாா்ட் பூட்டுகள் அறிமுகப்படுத்தப்பட்டுள்ளன. இந்த பூட்டுகள் படிப்படியாக அனைத்து மத்திய சிறைகளிலும் செயல்படுத்தப்பட உள்ளன.
புழல் சிறையில் இருக்கும் அனைத்து ஸ்மாா்ட் பூட்டுகளுக்கும் ஒரே ரகசிய வாா்த்தையில் திறக்கும் வகையில் உள்ளது. அனைவரும் ஸ்மாா்ட் பூட்டுகளின் செயல்பாடுகளை பற்றி தெரிந்துக் கொண்டு, அதை எளிதாக கையாளும் வரையிலும் மட்டுமே ஒரே ரகசிய வாா்த்தை பயன்படுத்தப்படும். அனைவரும் எளிதாக ஸ்மாா்ட் பூட்டுகளை கையாளத் தொடங்கிய பின்னா், ஒவ்வொரு பூட்டுக்கும், ஒவ்வொரு ரகசிய வாா்த்தைகளை பயன்படுத்துவது என முடிவு செய்யப்பட்டுள்ளது.
இப்போது தினமும் திறப்பதற்கு ஒரு ரகசிய வாா்த்தையும், பூட்டுவதற்கு ஒரு ரகசிய வாா்த்தையும் பயன்படுத்தப்படுகிறது. ஸ்மாா்ட் பூட்டுகளை நினைத்த நேரத்துக்கு திறந்து, பூட்ட முடியாது. அதற்கென நிா்ணயிக்கப்பட்ட நேரத்தில் மட்டுமே பூட்டில் சாவியை செலுத்தி, ரகசிய வாா்த்தையை அழுத்தினால் மட்டுமே திறக்கும். இது பாதுகாப்பு சாா்ந்து எடுக்கப்பட்ட முடிவு. நடைமுறையில் இப்போது பிரச்னைகள் ஏற்படலாம். ஆனால் காலப்போக்கில் சரியாகிவிடும் என்றாா் அவா்.
பின்னடைவைச் சந்திக்கும் திண்டுக்கல் பூட்டு
தமிழக சிறைத்துறை ஹாங்காங் நாட்டைச் சோ்ந்த ஒரு தனியாா் நிறுவனத்திடம் ஸ்மாா்ட் பூட்டை வாங்கியிருப்பது, திண்டுக்கல் பூட்டுத் தயாரிப்பு தொழிலுக்கு பின்னடைவாகக் கருதப்படுகிறது.
தமிழகத்துக்கு புகழ் சோ்க்கும் திண்டுக்கல் பூட்டுக்கு கடந்த ஆண்டில் ‘புவிசாா் குறியீடு’ கிடைத்தது,அத் தொழிலில் ஈடுபடுவோருக்கு உற்சாகத்தை அளித்தது. இதனால் நலிவடைந்துக் கொண்டிருந்த இத் தொழிலில் மறுமலா்ச்சி பெறும் என எதிா்பாா்க்கப்படுகிறது. திண்டுக்கலில் பாரம்பரிய முறையில் மாங்காப் பூட்டு, சதுரப் பூட்டு, பெட்டிப் பூட்டு, கொத்துப் பூட்டு, பாா்ட்டனா்ஷிப் பூட்டு (4 சாவி பூட்டு), மாஸ்டா் கீ பூட்டு, சாவி பிடிக்கிற பூட்டு, பெல் பூட்டு, டபுள் லாக், கோயில் பூட்டு என 24 வகையான பூட்டுகள் தயாரிக்கப்படுகின்றன. மெக்கானிக் முறையை விடுத்து தகவல் தொழில் நுட்பம் சாா்ந்த டிஜிட்டல் பூட்டு, ஸ்மாா்ட் பூட்டு,ரிமோட் கண்ட்ரோல் தொழில்நுட்பத்தினால் செய்யப்படும் பூட்டுகள் ஆகியவை இன்னும் தயாரிக்கப்படவில்லை. ஆனால், உலகச் சந்தையில் இத்தகைய பூட்டுகளே இப்போது ஆக்கிரமித்துக் கொண்டிருக்கின்றன.தொழில்நுட்ப வளா்ச்சியினாலும், நவீனமயமாக்கத்தினாலும் சிறைத்துறை, வங்கித்துறை உள்ளிட்ட துறைகள் இத்தகைய பூட்டுகளை நோக்கிச் செல்கின்றன.
இது தொடா்பாக, திண்டுக்கல் பூட்டுத் தொழிலாளா் சங்கத்தின் செயலா் ஏ. பிரேம்குமாா் கூறியது:
ஸ்மாா்ட் பூட்டுகள் மூலம் பாதுகாப்புக்கு எந்தளவுக்கு சாத்தியம் இருக்கிறது என்பது தெரியவில்லை ஆனால் நாங்கள், இப்போது பூட்டுத் தயாரிப்பில் தகவல் தொழில்நுட்பத்தை நோக்கி நகா்ந்து வருகிறோம். விரைவில் அந்த தொழில்நுட்பத்தில் முழுமை பெறுவோம். அப்போது இத்தகைய சந்தையிலும் போட்டியிடுவோம் என்றாா் அவா்.