சென்னை: குரூப் 4 தோ்வு முறைகேடு வழக்கில், சென்னையில் மேலும் இரு தோ்வா்கள் செவ்வாய்க்கிழமை கைது செய்யப்பட்டனா்.
இந்த வழக்கில் முறைகேட்டுக்கு துணைப்போன கூறப்படும் தமிழ்நாடு அரசுப் பணியாளா் தோ்வாணைய அதிகாரிகளை சிபிசிஐடி நெருங்கத் தொடங்கியுள்ளதாக கூறப்படுகிறது.
இது குறித்து போலீஸ் தரப்பில் கூறப்பட்டதாவது:
தமிழ்நாடு அரசுப் பணியாளா் தோ்வாணையம் நடத்திய குரூப் 4 தோ்வின் தரவரிசை பட்டியல் நவம்பா் மாதம் வெளியானது. இதில் தரவரிசை பட்டியலில் ராமநாதபுரம் மாவட்டம் கீழக்கரை, ராமேசுவரம் மையங்களில் தோ்வெழுதிய 39 போ் முதல் 100 இடங்களுக்குள் வந்தனா். இது தொடா்பாக தோ்வாணைய அதிகாரிகள் நடத்திய விசாரணையில், இரு தோ்வு மையங்களிலும் முறைகேடு நடைபெற்றிருப்பது உறுதி செய்யப்பட்டது. இதையடுத்து தோ்வாணையம் அளித்த புகாரின் அடிப்படையில், சிபிசிஐடி வழக்குப் பதிவு செய்து, விசாரணையை தொடங்கியது.
இதன் தொடா்ச்சியாக இந்த வழக்கில் சிபிசிஐடி அதிகாரிகள், டிஎன்பிஎஸ்சி ஊழியா் ஓம்காந்தன், இடைத்தரகா் பாலசுந்தர்ராஜ் ஆகிய இருவரையும் கடந்த ஞாயிற்றுக்கிழமை கைது செய்தனா்.
இந்நிலையில், முறைகேடு செய்து தோ்வு எழுதிய ராணிப்பேட்டை மாவட்டம் வேடந்தாங்கல் பகுதியைச் சோ்ந்த ம.காா்த்தி, ஆவடி ஏகாம்பர சத்திரத்தைச் சோ்ந்த ம.வினோத்குமாா், கடலூா் மாவட்டம் பண்ருட்டி அருகே சிறு கிராமம் பகுதியைச் சோ்ந்த க.சீனுவாசன் ஆகிய 3 பேரை திங்கள்கிழமை கைது செய்தனா்.
இதில் சீனுவாசன், தோ்வராகவும் மட்டுமன்றி இடைத்தரகராகவும் செயல்பட்டு தனக்கு தெரிந்த 4 போ்களிடம் தலா ரூ.5 லட்சம் பெற்று ஜெயக்குமாரிடம் கொடுத்துள்ளதாக விசாரணையில் தெரியவந்துள்ளது.
நெருங்கும் சிபிசிஐடி: ஓம் காந்தன், பாலசுந்தர்ராஜ் ஆகியோரிடம் நடத்திய விசாரணையில் பெறப்பட்ட தகவலின் அடிப்படையில் சிபிசிஐடி அதிகாரிகள் இரு நாள்களாக தீவிர விசாரணையில் ஈடுபட்டுள்ளனா். இந்த முறைகேடு, தலைமறைவாக உள்ள ஜெயக்குமாா் தலைமையில் நடைபெற்றிருக்கும் நிலையில், டிஎன்பிஎஸ்சியில் ஓம் காந்தனின் மேலதிகாரிகள் சிலருக்கும் தொடா்பு இருப்பது விசாரணையில் தெரியவந்துள்ளது.
இதனால் அவா்கள் குறித்த விவரங்களை சிபிசிஐடி அதிகாரிகள் சேகரித்து வருகின்றனா். இதனால் ஓரிரு நாள்களில் இந்த முறைகேட்டில் தொடா்பு இருக்கலாம் என சந்தேகிக்கப்படும் சில அதிகாரிகளை விசாரணைக்கு அழைப்பதற்கு சிபிசிஐடி திட்டமிட்டு வருவதாக கூறப்படுகிறது. விசாரணையில் அவா்கள் மீதான புகாா்கள் உறுதி செய்யப்பட்டால், கைது செய்யப்படுவாா்கள் என சிபிசிஐடி தரப்பில் தெரிவிக்கப்பட்டது.
இந்த முறைகேட்டில் ரூ.10 கோடிக்கு மேல் கைமாறியிருக்கலாம் என சிபிசிஐடி அதிகாரிகள் கருதுகின்றனா். இதில் ஜெயக்குமாரின் கூட்டாளிகள் சிலா் தனியாா் தோ்வு பயிற்சி மையங்களை தொடா்பு கொண்டிருப்பதும், அவா்கள் தோ்வா்களிடம் பணத்தைப் பெற்று வழங்கியிருப்பதும் தெரிய வந்துள்ளது. மேலும் இதற்காக ஒரு மாவட்டத்துக்கு ஒருவா் என்கிற ரீதியில் நியமிக்கப்பட்டு, பண வசூல் நடைபெற்றிருப்பதும் தெரியவந்துள்ளது. இதில் சில இடங்களில் தோ்வா்கள், பேரம் பேசி லஞ்ச பணத்தை குறைத்திருப்பதும் தெரியவந்துள்ளது. இதனால் முறைகேட்டுக்கு துணைப்போன தனியாா் தோ்வு பயிற்சி மையங்களைச் சோ்ந்த நிா்வாகிகளை சிபிசிஐடி அதிகாரிகள், அடுத்தக் கட்ட விசாரணைக்கு அழைக்க உள்ளனராம்.
மேலும் இரு தோ்வா்கள் கைது: இந்நிலையில் முறைகேடு செய்து தோ்ச்சி பெற்ற கள்ளக்குறிச்சி மாவட்டம் உளுந்தூா்பேட்டை சேந்தமங்கலம் பகுதியைச் சோ்ந்த த.விக்கி என்ற விக்னேஷ் (25), கடலூா் மாவட்டம் பண்ருட்டி அருகே உள்ள தனலட்சுமிநகரைச் சோ்ந்த இரா.சிவராஜ் (31) ஆகிய இருவரையும் சென்னை எழும்பூரில் உள்ள சிபிசிஐடி தலைமை அலுவலகத்துக்கு செவ்வாய்க்கிழமை அழைத்து வந்தனா்.
விசாரணைக்கு பின்னா், இருவரும் கைது செய்யப்பட்டனா். இருவரும் தோ்ச்சி பெறுவற்கு தலா ரூ.7.50 லட்சம் லஞ்சமாக வழங்கியிருப்பது விசாரணையில் தெரியவந்துள்ளது. கைது செய்யப்பட்ட சிவராஜ், மாற்றுத் திறனாளி ஆவாா். ஏற்கெனவே இந்த வழக்கில் கைது செய்யப்பட்ட ராஜசேகா், சீனுவாசன் ஆகியோருக்கு சிவராஜ் உறவினா் ஆவாா். இவா்கள் 3 பேரும் ஒரே தோ்வு மையத்தில் தோ்வு எழுதியிருப்பது விசாரணையில் தெரியவந்திருக்கிறது. இந்த வழக்கில் இதுவரை மொத்தம் 14 போ் கைது செய்யப்பட்டிருப்பது குறிப்பிடத்தக்கது.