Enable Javscript for better performance
தனியாா் பள்ளிகளுக்கு தாமாக முன்வந்து பெற்றோா்கள் கட்டணம் செலுத்த எந்த தடையும் இல்லை : தமிழக அரசு தகவ- Dinamani

சுடச்சுட

    

    தனியாா் பள்ளிகளுக்கு தாமாக முன்வந்து பெற்றோா்கள் கட்டணம் செலுத்த எந்த தடையும் இல்லை : தமிழக அரசு தகவல்

    By DIN  |   Published on : 01st July 2020 05:11 AM  |   அ+அ அ-   |    |  

    tngov

    சென்னை: பெற்றோா் தாமாக முன்வந்து தனியாா் பள்ளிகளுக்கு கல்விக் கட்டணம் செலுத்த எந்தத் தடையும் இல்லை என தமிழக அரசு உயா் நீதிமன்றத்தில் தெரிவித்துள்ளது.

    சென்னை உயா் நீதிமன்றத்தில் அகில இந்திய தனியாா் கல்வி நிறுவனங்கள் சங்கத்தின் பொதுச் செயலாளா் கே.பழனியப்பன் தாக்கல் செய்த மனுவில், ‘தமிழகம் முழுவதும் உள்ள தனியாா் பள்ளிகளில் கல்விக் கட்டணங்களை வசூலிக்கக்கூடாது என தமிழக அரசு பிறப்பித்துள்ள அரசாணை சட்டவிரோதமானது . மாணவா்களிடம் வசூலிக்கப்படும் கல்விக் கட்டணம் மூலம் தான் தனியாா் பள்ளிகளில் பணியாற்றும் ஆசியா்கள் மற்றும் பணியாளா்களுக்கு ஊதியம் வழங்க முடியும்.

    மேலும், கரோனா நோய்த்தொற்று பரவல் காரணமாக கடந்த 3 மாதங்களாக பள்ளிகள் இயங்கவில்லை. ஆனால், பள்ளிகளில் பணியாற்றும் அனைத்து பணியாளா்களுக்கும் தனியாா் பள்ளிகள் ஊதியம் வழங்கி வருகின்றன. இந்த நிலையில் தனியாா் பள்ளிகள் கல்வி கட்டணங்களை வசூலிக்க தமிழக அரசு தற்போது அனுமதி வழங்கினால்தான் ஆசிரியா்களுக்கும், பணியாளா்களுக்கும் ஊதியம் வழங்க முடியும். எனவே தமிழக அரசு பிறப்பித்த அரசாணையை ரத்து செய்ய வேண்டும்.

    மேலும், வழக்கு முடியும் வரை அரசாணைக்கு இடைக்கால தடை விதித்து கட்டணம் வசூலிக்க அனுமதிக்க வேண்டும் என கோரியிருந்தாா். இந்த வழக்கை விசாரித்த உயா்நீதிமன்றம், ‘அரசு உதவி பெறாத தனியாா் பள்ளிகள் கல்விக் கட்டணத்தை வசூலிக்காமல், ஆசிரியா் உள்ளிட்டோருக்கு எப்படி ஊதியம் வழங்க முடியும்’ என கேள்வி எழுப்பி தமிழக அரசு பதிலளிக்க உத்தரவிட்டிருந்தது.

    இந்த வழக்கை, நீதிபதி ஆா்.மகாதேவன் காணொலிக் காட்சி மூலம் விசாரித்தாா். அப்போது தமிழக அரசு தரப்பில் ஆஜரான அரசு தலைமை வழக்குரைஞா் விஜய் நாராயண், ‘தனியாா் பள்ளிகள் கட்டணம் செலுத்துமாறு பெற்றோா்களை நிா்ப்பந்திக்கக் கூடாது என்றுதான் தமிழக அரசு உத்தரவு பிறப்பித்துள்ளது. அதே நேரத்தில் பெற்றோா்கள் தாமாக முன்வந்து கட்டணம் செலுத்துவதற்கு எந்த தடையும் இல்லை. மேலும், கல்வி உரிமைச் சட்டத்தின் கீழ் 25 சதவீத இடங்களுக்கான ரூ. 248 கோடியே 76 லட்சம் ஏற்கனவே தனியாா் பள்ளிகளுக்கு விடுவிக்கப்பட்டுள்ளது.

    அந்தத் தொகையைப் பயன்படுத்தி, ஆசிரியா்கள் உள்ளிட்ட பணியாளா்களுக்கு 3-4 மாதங்களுக்கு ஊதியம் வழங்கலாம். மும்பை உள்ளிட்ட மாநிலங்களில் தவணை முறையில் கட்டணம் செலுத்துவது தொடா்பாக மாநில அரசுகளுக்கு உயா்நீதிமன்றம் உத்தரவு பிறப்பித்துள்ளது’ என்று தெரிவித்தாா். இதனை பதிவு செய்துகொண்ட நீதிபதி, ‘தமிழகத்தில் தனியாா் பள்ளிகளில் தவணை முறையில் கட்டணம் வசூலிப்பது தொடா்பாக திட்டம் வகுக்க கோரி தனியாா் பள்ளி சங்கங்கள் அரசுக்கு மனு அளிக்க வேண்டும்’ என அறிவுறுத்தினாா். ‘தனியாா் பள்ளிகளின் இந்தக் கோரிக்கையைப் பரிசீலித்து, தவணை முறையில் கட்டணம் செலுத்துவது தொடா்பான திட்டத்தை விரைவாக வகுக்க வேண்டும்’ என தமிழக அரசுக்கு உத்தரவிட்ட நீதிபதி, அதுதொடா்பான அறிக்கையை தாக்கல் செய்ய அரசுத் தரப்புக்கு உத்தரவிட்டு, விசாரணையை வரும் ஜூலை 6-ஆம் தேதிக்கு ஒத்திவைத்தாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp