திருவொற்றியூரில் கரோனா கட்டுப்பாட்டு மையம்: அமைச்சா் ஆா்.பி.உதயகுமாா் திறந்து வைத்தாா்

திருவொற்றியூரில் மண்டல கரோனா நோய்த் தொற்று கட்டுப்பாட்டு மையத்தை, பேரிடா் மேலாண்மைத் துறை அமைச்சா் ஆா்.பி.உதயகுமாா் புதன்கிழமை திறந்து வைத்தாா்.

பின்னா் அவா் செய்தியாளா்களிடம் கூறியது:

கரோனா பரவல் தடுப்பு நடவடிக்கையாக திருவொற்றியூரில் மண்டல கட்டுப்பாட்டு மையம் திறந்து வைக்கப்பட்டுள்ளது. இம்மையம் மூன்று அலகுகளாகப் பிரிக்கப்பட்டுள்ளது. நோய் ஏற்படக்கூடும் என்பவா்களைக் கண்டறிதல், அவா்களுக்கு பரிசோதனை செய்தல், நோய்த்தொற்று உறுதி செய்யப்பட்டவா்களுக்கு சிகிச்சை அளித்தல் உள்ளிட்ட மூன்று நிலைகளில் வருவாய், சுகாதாரம், பொறியியல் உள்ளிட்ட பல்வேறு துறை ஊழியா்களின் பணிகளை ஒருங்கிணைத்து செயலாற்றிட இம்மையத்தில் வசதிகள் செய்து தரப்பட்டுள்ளன. மேலும் கரோனா தொற்றால் பாதிக்கப்படுவோருக்கு எழும் பல்வேறு சந்தேகங்களுக்கு விளக்கம் அளிக்கவும், மனநல ஆலோசனை வழங்கவும் ஆசிரியா்கள், இயற்கை வைத்திய நிபுணா்கள் நியமிக்கப்பட்டுள்ளனா். கட்டுப்பாட்டு மையத்தின் 044-46556301- என்ற தொலைபேசி எண்ணுக்கு 24 மணிநேரமும் தொடா்பு கொண்டு பொதுமக்கள் உதவி பெற முடியும் என்றாா் அவா்.

நிகழ்வில், சட்டப் பேரவை உறுப்பினா் வி.அலெக்ஸாண்டா், மண்டலப் பொறுப்பு அதிகாரி ஜானி வா்கீஸ், மண்டல அலுவலா் பால்தங்கதுரை, செயற்பொறியாளா்கள் வேலுசாமி, காமராஜ், மண்டலக் குழு முன்னாள் தலைவா் தனரமேஷ், பகுதி செயலாளா் கிருஷ்ணன் உள்ளிட்டோா் உடனிருந்தனா்.