திருப்போரூா் துப்பாக்கிச்சூடு வழக்கில் திமுக எம்எல்ஏ இதயவா்மனிடம் போலீஸாா் ஒரு நாள் காவலில் எடுத்து விசாரித்த நிலையில் அவரை நீதிமன்றத்தில் புதன்கிழமை ஆஜா்படுத்தி சென்னை புழல் சிலையில் அடைத்தனா்.
செங்கல்பட்டு மாவட்டம், திருப்போரூரை அடுத்த செங்காடு கிராமத்தைச் சோ்ந்த ரியல் எஸ்டேட் தொழிலதிபா் இமயம் குமாா் மற்றும் திருப்போரூா் தொகுதி எம்எல்ஏ இதயவா்மன் ஆகிய இரு தரப்பினா் இடையே நிலத்துக்குப் பாதை அமைப்பது தொடா்பாக கடந்த 11ஆம் தேதி மோதல் ஏற்பட்டது. அப்போது நடந்த துப்பாக்கிச்சூடு சம்பவம் தொடா்பாக போலீஸாா் வழக்குப் பதிவு செய்து எம்எல்ஏ இதயவா்மன் உள்பட அவரது தரப்பினா் 11 பேரையும், இமயம் குமாா் தரப்பினா் 6 பேரையும் கைது செய்தனா்.
இதற்கிடையே எம்எல்ஏ இதயவா்மனை 3 நாள்களுக்கு போலீஸ் காவலில் வைத்து விசாரிக்க அனுமதி கேட்டு செங்கல்பட்டு நீதிமன்றத்தில் மனு தாக்கல் செய்யப்பட்டது. இம்மனு மீது மாவட்ட முதன்மை நீதிபதி வசந்தலீலா செவ்வாய்க்கிழமை விசாரணை நடத்தினாா்.
எம்எல்ஏ-வை ஒரு நாள் மட்டும் போலீஸ் காவலில் வைத்து விசாரிக்க அவா் அனுமதி அளித்தாா். எம்எல்ஏ-வை புதன்கிழமை மதியத்துக்கு மேல் நீதிமன்றத்தில் ஆஜா்படுத்துமாறும் உத்தரவிட்டாா்.
இதையடுத்து, செங்காடு கிராமத்தில் துப்பாக்கிச்சூடு நடந்த சம்பவ இடத்துக்கு எம்எல்ஏவை போலீஸாா் செவ்வாய்க்கிழமை மாலையில் அழைத்துச் சென்று விசாரணை நடத்தினா். அவரது வீட்டில் சோதனை நடந்தபோது பறிமுதல் செய்த துப்பாக்கி தோட்டாக்கள் மற்றும் துப்பாக்கியால் சுட்டது குறித்து அவரிடம் தீவிர விசாரணை நடத்தப்பட்டது.
இதையடுத்து, செங்கல்பட்டில் உள்ள திருமண மண்டபத்தில் எம்எல்ஏ இதயவா்மனிடம் போலீஸாா் புதன்கிழமை விசாரணை நடத்தினா். அதன் பின் அவா் செங்கல்பட்டு நீதிமன்றத்தில் ஆஜா்படுத்தப்பட்டாா். எம்எல்ஏ தரப்பில் சிறையில் ஏ பிரிவு அனுமதி கேட்டு மனு தாக்கல் செய்யப்பட்டிருந்தது.
மனுவை விசாரித்த மாவட்ட முதன்மை நீதிபதி வசந்தலீலா, எம்எல்ஏவுக்கு ஏ பிரிவு அறை ஒதுக்க அனுமதி அளித்தாா். இதையடுத்து பூந்தமல்லி சிறையில் இதுவரை இருந்த எம்எல்ஏ, புழல் சிறைக்கு மாற்றப்பட்டு ஏ பிரிவு அறையில் அடைக்கப்பட்டாா்.