Enable Javscript for better performance
கருணாநிதி, எம்ஜிஆர், ஜெயலலிதாவுக்கு கார் ஓட்டியவர் கிணற்றில் விழுந்து பலி- Dinamani

சுடச்சுட

    

    கருணாநிதி, எம்ஜிஆர், ஜெயலலிதாவுக்கு கார் ஓட்டியவர் கிணற்றில் விழுந்து பலி

    By DIN  |   Published on : 31st July 2020 12:33 PM  |   அ+அ அ-   |    |  

    கார் ஓட்டுநர் குமாரசாமி

    கார் ஓட்டுநர் குமாரசாமி



    வாழப்பாடி:  தலைநகர் தில்லியில் தமிழக முன்னாள் முதல்வர்கள் கருணாநிதி, எம்ஜிஆர், ஜெயலலிதா  ஆகியோருக்கு கார் ஓட்டிய குமாரசாமி(64), சேலம் மாவட்டம் வாழப்பாடி அருகே கிணற்றில் தவறி விழுந்து பரிதாபமாக உயிரிழந்தார்.

    சேலம் மாவட்டம் வாழப்பாடி அருகே குறிச்சி ஊராட்சி அணைமேடு கிராமத்தைச் சேர்ந்தவர் குமாரசாமி(64). இவருக்கு மல்லிகா என்ற மனைவியும், யுவராஜ், மணி, ரவி என்ற மூன்று மகன்களும் உள்ளனர். இளமைப் பருவத்திலேயே தலைநகர் தில்லியில் உள்ள தமிழ்நாடு அரசு இல்லத்தில் கார் ஓட்டுநராக பணியில் சேர்ந்த குமாரசாமி, 35 ஆண்டுகளுக்கு மேலாக தில்லியிலேயே தங்கி பணிபுரிந்து வந்தார்.

    தமிழகத்தில் இருந்து செல்லும்  முதல்வர்கள், அமைச்சர்கள், அரசு உயர் அதிகாரிகள் ஆகியோர் தில்லிக்குச் சென்று தமிழ்நாடு இல்லத்தில் தங்கி இருந்து, பிரதமர், குடியரசுத் தலைவர், மத்திய அமைச்சர்கள், உயர் அதிகாரிகளை சந்திக்க செல்லும்போது, அரசுக்கு சொந்தமான காரில் ஓட்டுநர் குமாரசாமி அழைத்துச் செல்வது வழக்கம்.

    மறைந்த முன்னாள் முதல்வர்கள் கருணாநிதி, எம்ஜிஆர், ஜெயலலிதா ஆகியோருக்கு பலமுறை குமாரசாமி காரை ஓட்டியுள்ளார். இவர்களிடம் நன்மதிப்பையும் பெற்றுள்ளார்.

    கடந்த மூன்றாண்டுக்கு முன் ஓய்வுபெற்ற இவர், வாழப்பாடி அருகே தனது சொந்த கிராமமான குறிச்சி அணைமேட்டில் வசித்து வரும், தனது தாய் பெத்தாய்க்கு துணையாக இருப்பதற்காக, வெளியிலிருந்து வந்து இங்கேயே தங்கி உள்ளார்.

    இந்நிலையில், கடந்த 29 ஆம் தேதியிலிருந்து இவரை காணவில்லை, பல இடங்களில் தேடியும் கிடைக்காத நிலையில், வெள்ளிக்கிழமை காலை வசிஷ்ட நதி கரையோரத்தில் இவருக்கு சொந்தமான விவசாய கிணற்றில்  பிணமாக மிதப்பது தெரியவந்தது.

    இதுகுறித்து தகவல் அறிந்த வாழப்பாடி காவலர்கள் சம்பவ இடத்திற்கு சென்று, இவரது உடலை மீட்டு பிரேத பரிசோதனைக்காக சேலம் அரசு மருத்துவமனைக்கு அனுப்பி வைத்தனர்.  இவரது மறைவுக்கு சுற்றுப்புற கிராம மக்கள் அஞ்சலி செலுத்தி வருகின்றனர்.

    அவரது மகன் மணி தற்போது தில்லியில் உள்ள தமிழ்நாடு அரசு இல்லத்தில் கார் ஓட்டுநராக பணிபுரிந்து வருகிறார். மற்றொரு மகன் யுவராஜ் தில்லி மத்திய காவல் துறையில் நுண்ணறிவுப்பிரிவில்  தலைமை காவலராக பணிபுரிந்து வருகிறார். இளைய மகன் தனியார் நிறுவனத்தில் பணியாற்றி வருகிறார். 

    தமிழக முன்னாள் முதல்வர்களுக்கு ஓட்டுநராக பணிபுரிந்தவர், தனியாக வாழ்ந்து வந்த தாய்க்கு துணையாக இருப்பதற்காக சொந்த கிராமத்திற்கு வந்தபோது கிணற்றில் தவறி விழுந்து பரிதாபமாக உயிரிழந்த சம்பவம் அப்பகுதி மக்களிடையே சோகத்தை ஏற்படுத்தியுள்ளது.
     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp