Enable Javscript for better performance
கரோனா பாதித்தவா்களுக்கு தனி 108 ஆம்புலன்ஸ் சேவை- Dinamani

சுடச்சுட

    

    கரோனா பாதித்தவா்களுக்கு தனி 108 ஆம்புலன்ஸ் சேவை

    By DIN  |   Published on : 10th June 2020 12:37 AM  |   அ+அ அ-   |    |  

    thanjavur_to_madurai_organ_donation_ambulance

    கோப்புப் படம்

    சென்னையில் கரோனா தொற்றால் பாதிக்கப்பட்டவா்கள் 108 ஆம்புலன்ஸ் சேவையைப் பெறுவதற்கு தனியாக தொலைபேசி எண் வழங்கப்பட்டுள்ளது.

    இதுதொடா்பாக சுகாதாரத் துறை அமைச்சா் சி.விஜயபாஸ்கா் செவ்வாய்க்கிழமை வெளியிட்ட அறிக்கை: தமிழகத்தில் 108 அவசரகால ஆம்புலன்ஸ் சேவை 24 மணி நேரமும் சிறப்பாக செயல்பட்டு வருகிறது. இந்தச் சூழலில், கடந்த சில மாதங்களாக கரோனா தொற்று காரணமாக கூடுதல் பளு ஏற்பட்ட போதிலும், அதனைத் திறம்பட எதிா்கொண்டு தடையின்றி ஆம்புலன்ஸ் சேவை இயக்கப்பட்டு வருகிறது.

    இத்தகைய தருணத்தில் கரோனா நோய்த்தொற்றினால் பாதிக்கப்பட்டவா்களின் அழைப்பை உடனடியாக ஏற்று அப்பகுதிக்கு ஆம்புலன்ஸ் வாகனங்களை விரைந்து அனுப்ப தனியாக ஒரு கட்டுப்பாட்டு அறையை உருவாக்க முதல்வா் உத்தரவிட்டிருந்தாா்.

    அதன்படி, ஒரு சிறப்பு கட்டுப்பாட்டு அறை உருவாக்கப்பட்டுள்ளது. இந்தக் கட்டுப்பாட்டு அறை 10 தொலைபேசி இணைப்புகளுடன் 24 மணி நேரமும் செயல்படும். சென்னையில் கரோனா தொற்றினால் பாதிக்கப்பட்டவா்கள் 044-40067108 என்ற எண்ணைத் தொடா்பு கொள்வதன் மூலம் 108 ஆம்புலன்ஸ் சேவையை எவ்வித காலதாமதமும் இல்லாமல் பெற முடியும். இதன்மூலம் கரோனா கட்டுப்பாடு மற்றும் சிகிச்சை முறைகள் மேலும் தமிழகத்தில் வலுப்படும் என்று அந்த அறிக்கையில் தெரிவிக்கப்பட்டுள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp