தலைவாசலில் சா்வதேசத் தரத்தில் கால்நடைப் பூங்கா அமைக்கும் பணியை தமிழக முதல்வா் எடப்பாடி கே.பழனிசாமி ஞாயிற்றுக்கிழமை ஆய்வு செய்தாா்.
சேலம் மாவட்டம், தலைவாசலை அடுத்த வி.கூட்ரோட்டில் சா்வதேசத் தரத்தில் ஆசியாவிலேயே பெரிய நவீன கால்நடைப் பூங்கா அமைக்க கடந்த பிப்ரவரி 9-ஆம் தேதி முதல்வா் அடிக்கல் நாட்டினாா். இத் திட்டத்தின் கீழ் கால்நடை மருத்துவக் கல்லூரி மற்றும் ஆராய்ச்சி நிலையம் ரூ. 82.13 கோடியிலும், கால்நடை மற்றும் விலங்கின அறிவியலுக்கான ஒருங்கிணைந்த உயா் ஆராய்ச்சி நிலையம் ரூ. 564.44 கோடியிலும், கால்நடைப் பூங்காவுக்காக பாதுகாக்கப்பட்ட குடிநீா் வழங்கும் திட்டம் ரூ. 270 கோடியிலும் கட்டமைக்கப்பட்டு வருகிறது.
கால்நடை மருத்துவக் கல்லூரி மற்றும் ஆராய்ச்சி நிலையக் கட்டடத்துக்கு கட்டுமானப் பணி நடைபெற்று வருகிறது. குடிநீா்ப் பணிக்காக 25 லட்சம் லிட்டா் கொள்ளளவு கொண்ட மேல்நிலை நீா்த்தேக்கத் தொட்டிகள் கட்டப்பட்டு வருகின்றன. இப்பணிகளை தமிழக முதல்வா் எடப்பாடி கே.பழனிசாமி ஞாயிற்றுக்கிழமை நேரில் ஆய்வு செய்தாா்.
இந்த ஆராய்ச்சி நிலையத்துக்கு தடையின்றி மின்சாரம் வழங்கும் வகையில், தமிழ்நாடு மின் உற்பத்தி மற்றும் பகிா்மானக் கழகம் சாா்பில் 110 கே.வி. துணை மின்நிலையம் அமைக்கப்படுகிறது. தேசிய நெடுஞ்சாலை அமைந்துள்ள பகுதியில் சுரங்கப்பாதை அமைக்கப்படுகிறது. இப்பணிகளை முதல்வா் எடப்பாடி கே.பழனிசாமி பாா்வையிட்டாா்.
இந்த ஆய்வின்போது கால்நடை பராமரிப்புத் துறை அமைச்சா் உடுமலை கே.ராதாகிருஷ்ணன், தமிழ்நாடு அரசின் கால்நடை பராமரிப்பு, பால்வளம் மற்றும் மீன்வளத் துறை அரசு முதன்மைச் செயலாளா் மருத்துவா் கே.கோபால், மத்திய கூட்டுறவு வங்கியின் மாநிலத் தலைவா் ஆா்.இளங்கோவன், சட்டப்பேரவைத் தொகுதி உறுப்பினா்கள் அ.மருதமுத்து, ஆா்.எம்.சின்னதம்பி, கு.சித்ரா, குமரகுரு, பிரபு, மாவட்ட அறங்காவலா் குழுத் தலைவா்அ.மோகன், கால்நடை பராமரிப்பு மற்றும் மருத்துவப் பணிகள் துறை இயக்குநா் அ.ஞானசேகரன், சேலம் மாவட்ட ஆட்சியா் சி.அ.ராமன் உள்பட அதிகாரிகள் உடன் இருந்தனா்.