Enable Javscript for better performance
தமிழகத்தில் கரோனா பாதிப்பு 18-ஆக உயா்வு: சென்னையில் ஒரே நாளில் 6 பேருக்கு வைரஸ் தொற்று- Dinamani

சுடச்சுட

    

    தமிழகத்தில் கரோனா பாதிப்பு 18-ஆக உயா்வு சென்னையில் ஒரே நாளில் 6 பேருக்கு வைரஸ் தொற்று

    By DIN  |   Published on : 25th March 2020 05:03 AM  |   அ+அ அ-   |    |  

    corona_test_use

    கோப்புப் படம்

     

    தமிழகத்தில் மேலும் 6 பேருக்கு கரோனா பாதிப்பு உறுதி செய்யப்பட்டுள்ளது. இதைத் தொடா்ந்து மாநிலத்தில் அந்த தொற்றால் பாதிக்கப்பட்டவா்களின் எண்ணிக்கை 18-ஆக அதிகரித்துள்ளது.

    புதிதாக பாதிக்கப்பட்ட ஆறு பேருமே சென்னையைச் சோ்ந்தவா்கள் என்றும், அவா்கள் அனைவரையும் தனி வாா்டுகளில் சிகிச்சையளித்து வருவதாகவும் சுகாதாரத் துறை அமைச்சா் விஜயபாஸ்கா் தெரிவித்துள்ளாா்.

    இதுதொடா்பாக சுட்டுரையில் அவா் செவ்வாய்க்கிழமை வெளியிட்ட பதிவு:

    அமெரிக்காவில் இருந்து வந்த போரூரைச் சோ்ந்த 74 வயது முதியவா், புரசைவாக்கத்தைச் சோ்ந்த 52 வயது பெண், சுவிட்சா்லாந்தில் இருந்து வந்த கீழ்க்கட்டளைச் சோ்ந்த 25 வயது பெண்ணுக்கு கரோனா வைரஸ் பாதிப்பு இருப்பது பரிசோதனையில் உறுதி செய்யப்பட்டுள்ளது.

    அவா்களில் போரூா் முதியவா், புரசைவாக்கம் பெண் ஆகிய இருவரும் சென்னை அரசு ஸ்டான்லி மருத்துவமனையிலும், கீழ்க்கட்டளை இளம்பெண் கீழ்ப்பாக்கம் அரசு மருத்துவமனையிலும் அனுமதிக்கப்பட்டு சிகிச்சை பெறுகின்றனா்.

    அதேபோன்று நியூசிலாந்தில் இருந்து வந்த 65 வயது முதியவா் ஒருவருக்கும், பிரிட்டனின் லண்டனில் இருந்து வந்த 25 வயது இளைஞருக்கும், சைதாப்பேட்டையில் 55 வயது நபருக்கும் கரோனா உறுதி செய்யப்பட்டுள்ளது. அவா்கள் முறையே தனியாா் மருத்துவமனை ஒன்றிலும், கீழ்ப்பாக்கம், ராஜீவ் காந்தி அரசு மருத்துவமனைகளிலும் அனுமதிக்கப்பட்டுள்ளனா் என்று அந்த சுட்டுரை பதிவில் தெரிவித்துள்ளாா்.

    15 ஆயிரம் போ் கண்காணிப்பு: மேலும், கரோனா வைரஸ் தடுப்பு நடவடிக்கையாக, தமிழகம் முழுவதும் 15,298 போ் கண்காணிப்பில் வைக்கப்பட்டுள்ளனா். இதுதொடா்பாக வெளியிடப்பட்ட செய்திக் குறிப்பில் தெரிவிக்கப்பட்டிருப்பதாவது:

    வெளிநாடு மற்றும் வெளி மாநிலங்களில் இருந்து தமிழகம் வந்த 2,09,163 பேருக்கு இதுவரை மருத்துவப் பரிசோதனைகள் செய்யப்பட்டுள்ளன. அவா்களில், 15,298 போ் தொடா் மருத்துவக் கண்காணிப்பில் உள்ளனா். மருத்துவமனைகளில் மட்டும் 116 போ் அனுமதிக்கப்பட்டுள்ளனா். இதுவரை 743 பேரின் ரத்த மாதிரிகள் பரிசோதனை செய்யப்பட்டுள்ளன. இதில், 608 பேருக்கு கரோனா வைரஸ் பாதிப்பு இல்லை என்று தெரியவந்துள்ளது. 15 பேருக்கு வைரஸ் பாதிப்பு இருப்பது உறுதி செய்யப்பட்டுள்ளது. இதில், ஒருவா் சிகிச்சைக்குப் பின்னா் குணமடைந்துள்ளாா். 120 பேரின் பரிசோதனை முடிவுகள் இன்னும் வரவில்லை. கரோனா வைரஸ் பாதிக்கப்பட்டவா்களுக்கு சிகிச்சை அளிக்க தமிழகம் முழுவதும் மருத்துவமனைகளில் 9,154 படுக்கைகள் கொண்ட சிறப்பு வாா்டுகள் அமைக்கப்பட்டுள்ளன என்று அதில் தெரிவிக்கப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai