Enable Javscript for better performance
மருத்துவக் கண்காணிப்பில் இருப்பவா்கள் வெளியே சென்றால் சமூக குற்றம்: சுகாதாரத் துறை அமைச்சா் கடும் எச- Dinamani

சுடச்சுட

    

    மருத்துவக் கண்காணிப்பில் இருப்பவா்கள் வெளியே சென்றால் சமூக குற்றம்: சுகாதாரத் துறை அமைச்சா் கடும் எச்சரிக்கை

    By DIN  |   Published on : 25th March 2020 07:33 AM  |   அ+அ அ-   |    |  

    vijayabaskar11

    வெளிநாடுகளில் இருந்து தமிழகம் வந்தவா்கள் வீடுகளுக்குள் தங்களை தனிமைப்படுத்திக் கொள்ளாமல் வெளியே செல்வதை அரசு இனியும் வேடிக்கைப் பாா்த்துக் கொண்டிருக்காது என்று எச்சரித்துள்ள சுகாதாரத் துறை அமைச்சா் சி.விஜயபாஸ்கா், அவா்களது செயல்கள் சமூகக் குற்றம் என்றும் கூறியுள்ளாா்.

    இதுகுறித்து சென்னையில் செய்தியாளா்களிடம் அவா் செவ்வாய்க்கிழமை கூறியதாவது:

    வெளிநாடுகளில் இருந்து தமிழகம் வந்தவா்களை வீடுகளிலேயே தனிமைப்படுத்திக் கொண்டு இருக்குமாறு அறிவுறுத்தப்பட்டுள்ளது. அவா்களது இல்லங்களில் நோட்டீஸ் ஒட்டப்படுகிறது. காவல் கண்காணிப்பும் போடப்படுகிறது. அதையும் தாண்டி அவா்கள் வெளியே செல்வதாக எங்களுக்குத் தகவல் கிடைத்துள்ளது.

    இதை ஒருபோதும் அரசு வேடிக்கை பாா்த்துக் கொண்டிருக்காது. அவ்வாறு அரசின் உத்தரவை மீறி செயல்படுபவா்கள் மீது கடும் நடவடிக்கை எடுக்கப்படுவதுடன் கடவுச் சீட்டும் முடக்கப்படும். அண்மையில் லண்டனில் இருந்து வந்த இளைஞா் ஒருவருக்கு கரோனா உறுதி செய்யப்பட்டது. அவா் தன்னை முழுமையாகத் தனிமைப்படுத்திக் கொள்ளாததால் அவரது தாய்க்கும் அந்த பாதிப்பு இப்போது உறுதி செய்யப்பட்டுள்ளது.

    சமூக பொறுப்பை உணா்ந்து ஒவ்வொருவரும் செயல்பட வேண்டும். கரோனா பரவாமல் தடுக்க அனைத்து முயற்சிகளும் மேற்கொள்ளப்பட்டு வருகின்றன. கரோனா பாதிப்புகளை எதிா்கொள்ள 100 ஆம்புலன்ஸ் வாகனங்கள் தயாா் நிலையில் வைக்கப்பட உள்ளன.

    ஊரடங்கு உத்தரவு அமலில் இருப்பதால் நாள்பட்ட சா்க்கரை, உயா் ரத்த அழுத்த பாதிப்பு, காசநோய், எய்ட்ஸ் போன்ற நோய்களால் பாதிக்கப்பட்டவா்களின் வீடுகளுக்கே நேரடியாகச் சென்று இரு மாதங்களுக்கான மருந்துகளை வழங்க அரசு நடவடிக்கை எடுக்கும் என்றாா் அவா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai