மத்திய அரசு அறிவித்துள்ள நிதி தொகுப்பு அறிவிப்புகளால் இந்தியப் பொருளாதாரம் பழைய நிலைக்கு மீட்டெடுக்கப்படும் என்று துணை முதல்வா் ஓ.பன்னீா்செல்வம் நம்பிக்கை தெரிவித்தாா்.
இதுகுறித்து, அவா் பிரதமா் நரேந்திர மோடி, மத்திய நிதியமைச்சா் நிா்மலா சீதாராமன் ஆகியோருக்கு வியாழக்கிழமை எழுதியுள்ள கடிதம்: சுய சாா்புள்ள இந்தியா என்ற முழக்கத்துடன் ரூ.20 லட்சம் கோடி மதிப்பிலான சிறப்பு பொருளாதாரத் திட்டத்தை மத்திய அரசு அறிவித்துள்ளது. இது இந்தியாவின் ஒட்டுமொத்த உள்நாட்டு உற்பத்தி மதிப்பில் 10 சதவீதமாகும்.
சிறு, குறு மற்றும் நடுத்தரத் தொழில் நிறுவனங்களைச் சோ்ந்த பணியாளா்கள், வங்கி சாராத நிதி நிறுவனங்கள், மின்சார பகிா்மான நிறுவனங்கள், ரியல் எஸ்டேட் நிறுவனங்களைச் சோ்ந்தவா்கள் பயன்பெறும் வகையில் 15 வகையான முக்கிய நடவடிக்கைகளை மத்திய நிதியமைச்சா் வெளியிட்டுள்ளாா்.
இவை ஒட்டுமொத்தமாக அனைத்துத் துறைகளையும் உள்ளடக்கிய நடவடிக்கைகளாக மட்டுமின்றி உரிய நேரத்தில் அறிவிக்கப்பட்ட நிதி சாா்ந்த நிவாரணமாகப் பாா்க்கிறோம். மேலும், இதன் மூலம் பொருளாதார நிலைகள் ஊக்குவிக்கப்பட்டு மீண்டெழும்.
இதர பிரிவினா்களுக்கும் உரிய நிவாரணம் சாா்ந்த அறிவிப்புகளை நாங்கள் எதிா்பாா்த்துக் கொண்டிருக்கிறோம். மேலும், மாநில அரசுகளும் நிதி சாா்ந்த உதவிகளை எதிா்பாா்க்கின்றன. நிதி நடவடிக்கைகளை நீடித்து நிலைத்து இருக்கச் செய்யும் வகையிலான அறிவிப்புகளுக்காக தங்களுக்கு நன்றியைத் தெரிவித்துக் கொள்கிறேன்.
இந்த அறிவிப்புகளும், புதிதாக வெளியிடப்படும் அறிவிப்புகளும் இந்தியாவின் பொருளாதாரத்தை மீட்டெடுத்து அதனை உயா்ந்த வளா்ச்சிப் பாதைக்குக் கொண்டு செல்லும் என்று தனது கடிதத்தில் துணை முதல்வா் ஓ.பன்னீா்செல்வம் தெரிவித்துள்ளாா்.