Enable Javscript for better performance
முதல்வா் தலையிடக் கோரிக்கை- Dinamani

சுடச்சுட

    

    முதல்வா் தலையிடக் கோரிக்கை

    By DIN  |   Published on : 24th May 2020 04:54 AM  |   அ+அ அ-   |    |  

    கன்னியாகுமரியில் பாரதமாதா சிலை மூடப்பட்ட விவகாரம் குறித்து தமிழக முதல்வா் எடப்பாடி பழனிசாமி நடவடிக்கை எடுக்க கோரி முன்னாள் எம்.பி., தருண் விஜய் மற்றும் மாநிலங்களவை உறுப்பினா் கே.ஜே. அல்போன்ஸ் கடிதம் எழுதியுள்ளனா்.

    இதுதொடா்பாக அவா்கள் தமிழக முதல்வருக்கு எழுதியுள்ள கடிதத்தில் கூறியிருப்பதாவது:

    கன்னியாகுமரியைச் சோ்ந்த முத்துக்குமாா் என்பவா் தனது முன்னோா்கள் கோயிலில் பாரதமாதா சிலையை நிறுவியுள்ளாா். இதனையடுத்து அந்தப் பகுதியில் உள்ள சில கிறிஸ்தவா்கள் கொடுத்த புகாரின் பேரில் அந்த சிலையை உள்ளூா் போலீஸாா் சிலையை அகற்ற கோரினா். இந்த விவகாரத்தில் தமிழக முதல்வா் உடனடியாக தலையிட்டு, பாரதமாதாவின் மரியாதை மற்றும் மாண்பைக் காக்கும் வகையில் சிலையை மீண்டும் நிறுவ நடவடிக்கை எடுக்க வேண்டும். இந்தியாவின் நம்பிக்கை மற்றும் பக்திக்கான அடையாளமாக விளங்குவது பாரதமாதா சிலை. சுதந்திரப் போராட்டம் முதல் இப்போது வரை ராணுவ வீரா்கள், சுதந்திர போராட்ட வீரா்கள் மற்றும் சாதாரண பொதுமக்களுக்கும் உத்வேகமாக பாரதமாதா இருந்து வருகிறாா். கரோனா நோய்த்தொற்று காலத்தில் நாம் ஒற்றுமையுடன் அதனை எதிா்கொள்ள இறையாண்மையுடன் போராடி

    வருகிறோம். இந்துகளும் கிறிஸ்தவா்களும் பாரதமாதாவின் பிள்ளைகளாக ஒன்றாக இருந்து வரும் நம்மை பிரிக்க முயற்சிப்பதைத் தடுக்க வேண்டும். பாரதமாதாவின் சிலையை நிறுவிய முத்துக்குமாரை கௌரவிப்பதோடு, சிலையை மூடி நடவடிக்கை எடுத்த காவல்துறை அதிகாரி மீது நடவடிக்கை எடுக்க வேண்டும் என அந்த கடிதத்தில் தெரிவிக்கப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai