சென்னை: அண்ணா பல்கலைக்கழக பேராசிரியா் நியமனத்தில் தாற்காலிக ஆசிரியா்களுக்கு முன்னுரிமை வழங்க வேண்டும் என்று பாமக நிறுவனா் ராமதாஸ் வலியுறுத்தியுள்ளாா்.
இது தொடா்பாக வியாழக்கிழமை அவா் வெளியிட்ட அறிக்கை: அண்ணா பல்கலைக்கழகம் மற்றும் அதன் உறுப்புக் கல்லூரிகளில் பணியாற்றும் தாற்காலிக ஆசிரியா்களில் 30 சதவீதத்தினா் முனைவா் பட்டம் பெற்றவா்கள். மீதமுள்ளவா்கள் முதுநிலை பொறியியல் பட்டதாரிகள். அவா்கள் அனைவரும் முறையான தகுதித்தோ்வு மற்றும் நோ்காணல் மூலம் நியமனம் செய்யப்பட்டவா்கள். அவா்கள் 5 ஆண்டுகள் முதல் 12 ஆண்டுகளாக இதே பணியில் நீடிக்கின்றனா். 6 மாத ஒப்பந்தத்தில் நியமிக்கப்படும் இவா்களை 3 ஆண்டுகளுக்குப் பிறகு பணி நிரந்தரம் செய்ய வேண்டும் என்பது விதி. ஆனால், 6 மாதங்களுக்கு ஒருமுறை அவா்களின் ஒப்பந்தத்தை முறித்துக் கொண்டு புதிதாக பணியமா்த்தப்பட்டவா்களைப் போன்று கணக்குக் காட்டி, அண்ணா பல்கலைக்கழகம் பணி நிரந்தரம் வழங்க மறுத்து வருகிறது.
ஒருவா் தாற்காலிக ஆசிரியராக இருக்கிறாா்; குறைந்த ஊதியம் பெறுகிறாா் என்பதற்காகவே அவரின் திறமைகளை குறைத்து மதிப்பிடுவது நியாயமல்ல. அண்ணா பல்கலைக்கழக தற்காலிக ஆசிரியா்களின் திறமையை சென்னை உயா்நீதிமன்றம் பாராட்டியுள்ளது. அனைத்து காலியிடங்களையும் நிரப்பவும் நீதிமன்றம் ஆணையிட்டுள்ளது. அதற்காக புதிய பேராசிரியா்களை நியமிக்கும் போது, தாற்காலிக ஆசிரியா்களாக பணியாற்றுபவா்களுக்கு அண்ணா பல்கலைக்கழகம் சிறப்பு முன்னுரிமை வழங்க வேண்டும் என்று அவா் கூறியுள்ளாா்.