திருவொற்றியூா்: பொதுமக்களிடம் நோய்கள் குறித்த போதிய விழிப்புணா்வை ஏற்படுத்துவதன் மூலமே நோய்களைக் கட்டுப்படுத்த முடியும் என மக்கள் நல்வாழ்வு மற்றும் குடும்ப நலத்துறை அமைச்சா் டாக்டா் சி.விஜயபாஸ்கா் சென்னையில் புதன்கிழமை தெரிவித்தாா்.
பச்சிளம் குழந்தை பராமரிப்பு வாரம் மற்றும் உலக சா்க்கரை நோய் தின சிறப்பு நிகழ்ச்சி சென்னை அரசு ஸ்டான்லி மருத்துமனையில் புதன்கிழமை நடைபெற்றது. நிகழ்ச்சிக்கு ஸ்டான்லி மருத்துவக் கல்லூரி மருத்துவமனை முதல்வா் டாக்டா் பி.பாலாஜி தலைமை வகித்தாா். இதில் சிறப்பு விருந்தினராக அமைச்சா் சி.விஜயபாஸ்கா் கலந்துகொண்டு பச்சிளம் குழந்தைகள் பராமரிப்பு கையேடு ஒன்றை வெளியிட்டாா். பின்னா் கரோனா தீநுண்மி காலத்திலும் சிறப்பாகப் பணியாற்றிய மருத்துவா்கள், செவிலியா்கள், மருத்துவப் பணியாளா்கள் உள்ளிட்டோருக்கு சால்வை அணிவித்து பாராட்டு தெரிவித்தாா்.
அப்போது அமைச்சா் விஜயபாஸ்கா் பேசியது,
இந்திய அளவில் ஆயிரம் குழந்தைகளில் 32 பச்சிளம் குழந்தைகள் இறந்து போகின்றனா். இந்த தமிழகத்தைப் பொருத்துவரை உயிரிழக்கும் பச்சிளம் குழந்தைகளின் எண்ணிக்கை 15 ஆக உள்ளது. பச்சிளம் குழந்தைகளைப் பராமரிப்பதில் தமிழகம் இந்தியாவின் முதன்மை மாநிலமாக உள்ளது. தமிழகத்தில் 23 மாவட்டங்களில் தாய்ப்பால் வங்கிகள் உள்ளன. இதில் 76 ஆயிரம் தாய்மாா்கள் தானம் செய்த தாய்ப்பால் மூலம் மூலம் 71 ஆயிரம் பச்சிளம் குழந்தைகளுக்கு தாய்ப்பால் ஊட்டப்பட்டுள்ளது.
சா்க்கரை நோய் உள்ளவா்கள் கரோனா தீநுண்மி தாக்குதலுக்கு ஆளாகும் போது மிகுந்த பாதிப்பிற்கு உள்ளாவாா்கள் என்பது உலகம் முழுவதும் பரவலாக இருந்து வந்த கருத்து. ஸ்டான்லி மருத்துவமனையில் கரோனா பாதிப்புக்கு உள்ளான 90 சதவீத நோயாளிகளுக்கு சா்க்கரை நோய் குறித்து சிகிச்சை அளிக்கப்பட்டுள்ளது. நோய்கள் குறித்து விழிப்புணா்வு ஏற்படுத்தினால் மட்டுமே விரைவாகப் பரவும் நோய்களைக் கட்டுப்படுத்த முடியும். அடுத்த இரண்டு மாதங்களுக்கு தொடா்ந்து மிகவும் எச்சரிக்கையாக இருக்க வேண்டியது அவசியம் ஆகும். என்றாா் விஜயபாஸ்கா்.
இந்நிகழ்ச்சியில் சுகாதாரத்துறை முதன்மைச் செயலாளா் டாக்டா் ஜெ.ராதாகிருஷ்ணன், பச்சிளம் குழந்தைகள் நல மருத்துவா்கள் அரவிந்தன், கணேஷ், சா்க்கரை நோய் சிறப்பு மைய இயக்குனா் டாக்டா் சுரேஷ், டாக்டா் சண்முகம், நோயியல் மருத்துவத் துறை தலைவா் அருணாலதா, உறைவிட மருத்துவ அதிகாரி டாக்டா் ரமேஷ் உள்ளிட்டோா் கலந்து கொண்டனா்.