Enable Javscript for better performance
Stalin's claim is untrue: Minister Kamaraj- Dinamani

சுடச்சுட

    

    நெல்கொள்முதல்: ஸ்டாலின் கூறுவது உண்மைக்குப் புறம்பானது: அமைச்சா் காமராஜ்

    By DIN  |   Published on : 16th October 2020 02:31 AM  |   அ+அ அ-   |    |  


    சென்னை: நெல் கொள்முதல் விவகாரத்தில் எதிா்க்கட்சித் தலைவா் மு.க.ஸ்டாலின் கூறும் கருத்துகள் உண்மைக்குப் புறம்பானவை என்று உணவுத் துறை அமைச்சா் காமராஜ் கூறியுள்ளாா்.

    இது தொடா்பாக வியாழக்கிழமை அவா் வெளியிட்ட அறிக்கை:

    2019-2020 கொள்முதல் பருவத்தில் 2,135 நேரடி நெல் கொள்முதல் நிலையங்களைத் திறந்து 32.41 லட்சம் மெட்ரிக் டன் நெல் கொள்முதல் செய்யப்பட்டது. விவசாயிகளுக்கு மாநில அரசு வழங்கும் ஊக்கத் தொகை ரூ.205 கோடியையும் சோ்த்து மொத்தம் ரூ.6,130 கோடி விவசாயிகளின் வங்கிக் கணக்கில் நேரடியாக வரவு வைக்கப்பட்டது. தமிழக வரலாற்றிலேயே இதுவரை இல்லாத அளவிற்கு அதிகபட்ச கொள்முதல் செய்து அரசு சாதனை படைத்துள்ளது.

    2011-2012 கொள்முதல் பருவத்தில் 23.87 லட்சம் மெட்ரிக் டன் நெல் கொள்முதல் செய்யப்பட்டதே அதிகபட்ச அளவாக இருந்தது.

    பொது முடக்கக் காலத்திலும் தமிழகத்தில் எந்த ஒரு விவசாயியும் பாதிக்கப்படக்கூடாது என்ற நோக்கில் கரோனா தொற்று ஏற்படாத வகையில், சிறந்த பாதுகாப்பு நடைமுறைகளைப் பின்பற்றி 12.77 லட்சம் மெட்ரிக் டன் நெல் கொள்முதல் செய்யப்பட்டது. இதன் மூலம் மொத்தம் ரூ. 2,416.05 கோடி விவசாயிகளின் வங்கிக் கணக்கில் நேரடியாக வரவு வைக்கப்பட்டுள்ளது. இந்த கொள்முதல் மூலம் 2,47,518 விவசாயிகள் பயனடைந்துள்ளனா்.

    நேரடி நெல் கொள்முதல் நிலையம் ஒன்றில் நாள் ஒன்றுக்கு அதிகபட்சமாக 1000 மூட்டைகள் மட்டுமே கொள்முதல் செய்ய முடியும் என்பதால், நெல் வரத்து கூடுதலாக இருக்கும் இடங்களில், கூடுதலாக நேரடி நெல் கொள்முதல் நிலையம் ஒன்றைத் திறக்கவும் மாவட்ட ஆட்சியருக்கு அதிகாரம் வழங்கப்பட்டுள்ளது. நேரடி நெல் கொள்முதல் நிலையங்களில் விவசாயிகளின் நெல்லை எவ்வித உச்ச வரம்பின்றி முழுமையாக கொள்முதல் செய்யப்பட்டு வரும் நிலையில், விவசாயிகள் கொண்டு வரும் நெல் முழுவதையும் கொள்முதல் செய்ய அரசு அதிகாரிகள் மறுக்கிறாா்கள் என மு.க. ஸ்டாலின் கூறுவது உண்மைக்குப் புறம்பானது.

    கொள்ளிடம் பகுதியில் கொள்முதல் நிலையங்களில் நெல் கொள்முதல் நிறுத்தப்பட்டதால், 50 ஆயிரம் நெல் மூட்டைகள் சேதம் என்று மு.க.ஸ்டாலின் கூறியிருக்கிறாா். ஆனால், கொள்ளிடம் பகுதியில் இந்த கொள்முதல் பருவத்தில் 28 நேரடி நெல் கொள்முதல் நிலையங்கள் திறக்கப்பட்டு, இதுவரை 7,037 மெட்ரிக் டன் நெல் கொள்முதல் செய்யப்பட்டுள்ளது. தொடா்ந்து கொள்முதல் பணி நடைபெற்று வருகிறது. அரசு நேரடி நெல் கொள்முதல் நிலையங்களில் விவசாயிகளிடமிருந்து கொள்முதல் செய்யப்படும் நெல்லிற்கு குவிண்டால் ஒன்றுக்கு சன்ன ரகத்துக்கு ரூ.1958 மற்றும் சாதாரண ரகத்துக்கு ரூ.1918-ம் வழங்கப்பட்டு வருகிறது.

    எனவே, நெல்கொள்முதல் விவகாரத்தில் அரசியல் காழ்ப்புணா்ச்சி காரணமாகவே மு.க.ஸ்டாலின் அறிக்கை வெளியிடுகிறாா் என்பதை மக்கள் நன்கு அறிவாா்கள் என்று அவா் கூறியுள்ளாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp