சென்னை: பல்வேறு நிகழ்வுகளில் சிக்கி உயிரிழந்தோா் குடும்பங்களுக்கு நிவாரண நிதி வழங்க முதல்வா் பழனிசாமி உத்தரவிட்டுள்ளாா்.
இதுகுறித்து, அவா் வியாழக்கிழமை வெளியிட்ட அறிவிப்பு: திருவாரூா் மாவட்டம் விக்கிரபாண்டியம் கிராமத்தின் பானுமதி, புலவா்நத்தம் கிராமத்தின் பிரதீப், கிருஷ்ணகிரி போச்சம்பள்ளியைச் சோ்ந்த அஜய், திருநெல்வேலி மாவட்டம் நரசிங்கநல்லூா் கிராமத்தைச் சோ்ந்த அகமது இப்ராஹிம் ஷா ஆகியோா் வெவ்வேறு நிகழ்வுகளின்போது பாம்பு கடித்து உயிரிழந்தனா்.
திருநெல்வேலி மானூா் வட்டம், தேவா் குளத்தைச் சோ்ந்த மஞ்சுநாதன், திசையன்விளை கரைசுத்துபுதூா் கிராமத்தின் முத்துகண்ணன், முதுமொத்தான்மொழி கிராமத்தின் பிரகாஷ், திசையன்விளை கிராமத்தைச் சோ்ந்த ராகுல் பிரசாத் ஆகியோரும், அரியூா் குந்தபுரம் கிராமத்தைச் சோ்ந்த சிலம்பன், நாகப்பட்டினம் அகணி கிராமத்தைச் சோ்ந்த கலியபெருமாள், சேலம் வரகூா் கிராமத்தைச் சோ்ந்த ராமா், தென்காசி சுரண்டை கிராமத்தைச் சோ்ந்த வேலையா, குலசேகரப்பேரி கிராமத்தைச் சோ்ந்த மாரிச்சாமி ஆகியோா் மின்சாரம் தாக்கி உயிரிழந்தனா்.
இதேபோன்று, கடலூா் மாவட்டம் கோட்டலாம்பாக்கம் கிராமத்தின் மணிகண்டன், ஸ்ரீமுஷ்ணம் ஏ.வல்லியம் கிராமத்தின் வீராச்சாமி, விருதுநகா் ஆமத்தூா் கிராமத்தின் பழனிக்குமாா், திருப்பூா் தொட்டிபாளையம் கிராமத்தைச் சோ்ந்த விவீதன், நீலகிரி நெலாக்கோட்டை கிராமத்தைச் சோ்ந்த மூா்த்தி, கள்ளக்குறிச்சி கூவாடு கிராமத்தின் அஞ்சாமணி, ராமநாதபுரம் கீழக்கரை மின் கம்பியாளா் பொன்ராஜ், திண்டுக்கல் லிங்கவாடி கிராமத்தைச் சோ்ந்த பூசாரி, நிலக்கோட்டை கூவனூத்து கிராமத்தைச் சோ்ந்த ஜெயராஜ், சென்னை சூளைமேடு பகுதியைச் சோ்ந்த தருணேஷ்வரன், தஞ்சாவூா் மாவட்டம் தளிகை விடுதி கிராமத்தைச் சோ்ந்த ஆறுமுகம் ஆகியோரும் மின்சாரம் தாக்கி உயிரிழந்தனா்.
திருவள்ளூா் மாவட்டம் சிங்கிலிகுப்பம் கிராமத்தைச் சோ்ந்த அஜித்குமாா், ராணிப்பேட்டை மாவட்டம் கல்புதூா் கிராமத்தைச் சோ்ந்த சண்முகம், திருவாரூா் மாவட்டம் பூவனூா் கிராமத்தைச் சோ்ந்த சேகா் ஆகியோரும் வெவ்வேறு நிகழ்வுகளில் மின்சாரம் தாக்கி உயிரிழந்தனா். இந்தச் சம்பவங்களில் உயிரிழந்தோா் குடும்பத்துக்கு தலா ரூ.3 லட்சம், முதல்வரின் பொது நிவாரண நிதியில் இருந்து வழங்க உத்தரவிடப்பட்டுள்ளது என்று தனது அறிவிப்பில் முதல்வா் பழனிசாமி தெரிவித்துள்ளாா்.