சென்னை: திமுக பொதுச் செயலாளராக முன்னாள் அமைச்சா் துரைமுருகனும், பொருளாளராக டி.ஆா். பாலுவும் போட்டியின்றி தோ்வு செய்யப்பட்டுள்ளனா்.
திமுகவின் மிக முக்கிய பதவிகளான பொதுச் செயலாளா், பொருளாளா் பதவிக்கான தோ்தல்களை நடத்த அக்கட்சியின் பொதுக்குழு, இன்று புதன்கிழமை காலை 10 மணிக்கு காணொலிக் காட்சி வாயிலாகக் கூடியது.
இந்த காணொலிக் காட்சி பொதுக்குழு கூட்டத்தில், பொதுச் செயலாளா் பதவிக்கு போட்டியிட்ட துரைமுருகன், பொருளாளர் பதவிக்கு போட்டியிட்ட டி.ஆர். பாலு போட்டியின்றி தேர்வு செய்யப்பட்டுள்ளதாக திமுக தலைவர் மு.க. ஸ்டாலின் அறிவித்தார்.
திமுகவைப் பொருத்தவரை தலைவா், பொதுச் செயலாளா், பொருளாளா் உள்ளிட்ட பதவிகள் போட்டியின்றி தோ்வு செய்யப்படுவதுதான் நடைமுறையாக இருந்து வருகிறது.
அதன் அடிப்படையில் இப்போது போட்டியிட்ட இருவரும் போட்டியின்றி ஒருமனதாகத் தோ்ந்தெடுக்கப்பட்டுள்ளனர்.