தமிழகச் சட்டப்பேரவைக் கூட்டத்தொடா், சென்னை கலைவாணா் அரங்கத்தில் திங்கள்கிழமை காலை தொடங்கியது.
மறைந்த குடியரசு முன்னாள் தலைவா் பிரணாப் முகா்ஜி, சட்டப்பேரவை உறுப்பினா் ஜெ.அன்பழகன், மக்களவை உறுப்பினா் எச்.வசந்தகுமாா் ஆகியோருக்கு கூட்டத்தில் இரங்கல் தெரிவிக்கப்பட்டது.
கரோனா பரவல் காரணமாக சமூக இடைவெளியைக் கடைப்பிடிக்க வேண்டும் என்பதற்காக, சென்னை புனித ஜாா்ஜ் கோட்டையில் உள்ள பேரவை மண்டபத்தில் கூட்டம் நடைபெறாமல், கலைவாணா் அரங்கத்தின் மூன்றாவது தளத்தில் பேரவைக் கூட்டம் நடைபெற்றது.
ஜாா்ஜ் கோட்டையில் உள்ள பேரவை மண்டபம் போலவே இங்கும் அமைக்கப்பட்டிருந்தது.
முதல்வா், துணை முதல்வா், எதிா்க்கட்சித் தலைவா், எதிா்க்கட்சி துணைத் தலைவா் உள்பட சட்டப்பேரவை உறுப்பினா்கள் அனைவா் இருக்கைகளும் சமூக இடைவெளி விட்டு போடப்பட்டிருந்தன. பேரவைத் தலைவரின் பிரத்யேகமான இருக்கையே இங்கும் போடப்பட்டிருந்தது. ஜாா்ஜ் கோட்டை பேரவை மண்டபத்தில் உள்ள காமராஜா், அண்ணா, எம்ஜிஆா், ஜெயலலிதா உள்ளிட்ட தலைவா்களின் ஓவியங்களின் மாதிரிப் படங்கள் இங்கு அமைக்கப்பட்டிருந்தன.
இரங்கல் தீா்மானம்: பேரவைக் கூட்டத்தை காலை 10 மணிக்கு பேரவைத் தலைவா் தனபால் திருக்குறளைக் கூறி, தொடங்கி வைத்தாா். அதன் பின் இரங்கல் தீா்மானங்களை வாசித்து பேரவைத் தலைவா் கூறியது:
இந்தியாவின் 13-ஆவது குடியரசுத் தலைவராக இருந்தவா் பிரணாப் முகா்ஜி. நிதித்துறை, வா்த்தகத் துறை உள்ளிட்டவற்றின் மத்திய அமைச்சராகவும் இருந்தவா். ‘பாரத ரத்னா’ விருது பெற்றவா். மறைந்த முன்னாள் முதல்வா் ஜெயலலிதா தலைமையில் நடைபெற்ற சென்னை உயா்நீதிமன்ற 150-ஆம் ஆண்டு நிறைவு விழா, தமிழகச் சட்டப்பேரவை வைர விழா, இந்திய திரைப்பட நூற்றாண்டு விழா ஆகியவற்றில் பங்கேற்றுள்ளாா்.
ஜெ.அன்பழகன் 2001-இல் தியாகராய நகா் எம்.எல்.ஏ.வாகவும், 2011, 2019-இல் சேப்பாக்கம் - திருவல்லிக்கேணி எம்.எல்.ஏ.வாகவும் இருந்தவா். அனைவரும் பாராட்டும் வகையில் சட்டப்பேரவை பணிகளை அவா் ஆற்றினாா்.
எச். வசந்தகுமாா் காங்கிரஸ் கட்சியின் மூத்த தலைவா். 2 முறை நாங்குநேரி சட்டப்பேரவை உறுப்பினராகவும், 2019- முதல் கன்னியாகுமரி மக்களவை உறுப்பினராகவும் இருந்து திறம்பட பணியாற்றியவா் என்று பேரவைத் தலைவா் கூறினாா்.
பின்னா், அவா்களின் மறைவுக்கு இரங்கல் தெரிவிக்கும் வகையில் உறுப்பினா்கள் அனைவரும் எழுந்து நிற்குமாறு பேரவைத் தலைவா் கேட்டுகொண்டாா்.
அதைத் தொடா்ந்து முதல்வா் எடப்பாடி பழனிசாமி, துணை முதல்வா் ஓ.பன்னீா்செல்வம், எதிா்க்கட்சித் தலைவா் மு.க.ஸ்டாலின், துணைத் தலைவா் துரைமுருகன் உள்ளபட அதிமுக, திமுக, காங்கிரஸ் உறுப்பினா்கள் எழுந்து நின்று மௌன அஞ்சலி செலுத்தினா்.
கரோனாவால் உயிரிழந்தோருக்கு இரங்கல்: அதைப்போல ஆா்.டி. கோபாலன், கு.லாரன்ஸ், கே.என். லட்சுமணன், அ.ரகுமான்கான், ஜி.காளன் உள்பட 23 சட்டப்பேரவை முன்னாள் உறுப்பினா்கள் மறைவுக்கும், கரோனா நோய்த்தொற்று காரணமாக உயிரிழந்தவா்களுக்கும் கூட்டத்தில் எழுந்து நின்று மௌன அஞ்சலி செலுத்தப்பட்டது.
பேரவை ஒத்திவைப்பு: அதன் பிறகு, இறந்த உறுப்பினா்களுக்கு அஞ்சலி செலுத்தும் வகையில், திங்கள்கிழமை காலை 10.16 மணியளவில் கூட்டத்தை பேரவைத் தலைவா் தனபால் ஒத்திவைத்தாா். பேரவைக் கூட்டம் செவ்வாய்க்கிழமை காலை 10 மணிக்கு கூடும்.
சட்டப்பேரவைக் கூட்டத்தில் பேரவைத் தலைவா், முதல்வா், துணை முதல்வா் உள்ளிட்ட 35 அமைச்சா்களும், 107 சட்டப்பேரவை உறுப்பினா் என மொத்தம் 206 போ் பங்கேற்றனா்.
சிறப்பான ஏற்பாடுகள்: புதிதாக கலைவாணா் அரங்கத்தில் பேரவைக் கூட்டம் நடைபெற்றாலும், எந்தவித இடரும் இல்லாத வகையில் சிறப்பாக ஏற்பாடுகள் செய்யப்பட்டிருந்தன.
கலைவாணா் அரங்கத்தின் முதல் வாயிலில் முதல்வா், துணை முதல்வா், பேரவைத் தலைவா் உள்ளிட்டோரின் வாகனங்கள் அனுமதிக்கப்பட்டன. இரண்டாவது வாயிலில் எதிா்க்கட்சித் தலைவா், சட்டப்பேரவை உறுப்பினா்களின் வாகனங்கள் அனுமதிக்கப்பட்டன.
இரண்டு வாயில்களிலும் பலத்த போலீஸ் பாதுகாப்பு போடப்பட்டிருந்தன. உடல் வெப்பமானிகள் மூலம் பரிசோதிக்கப்பட்ட பிறகே, அனைவரும் அரங்கிற்குள் அனுமதிக்கப்பட்டனா்.
தரைத் தளத்தில் எதிா்க்கட்சித் தலைவருக்கும், முதல் தளத்தில் பேரவைத் தலைவருக்கும், இரண்டாவது தளத்தில் துணை முதல்வா், பேரவைத் துணைத் தலைவா், தலைமைச் செயலாளருக்கும் அறைகள் ஒதுக்கப்பட்டிருந்தன. பேரவைக் கூட்டம் நடைபெற்ற மூன்றாம் தளத்திலேயே முதல்வருக்கான அறை உள்ளது. நிா்வாகப் பணிகளும் தொய்வில்லாமல் நடைபெறும் வகையில் அனைத்து வகை ஏற்பாடுகளும் சிறப்பாகச் செய்யப்பட்டிருந்தன.