காவல் நிலையத்தில் தற்கொலை செய்து கொண்ட லாரி ஓட்டுநரின் குடும்பத்துக்கு ரூ.3 லட்சம் இழப்பீடு வழங்க உத்தரவிடப்பட்டுள்ளது.
ராமநாதபுரம் மாவட்டத்தைச் சோ்ந்தவா் லாரி ஓட்டுநரான சுந்தரராஜ். இவா், கடந்த 2016-ஆம் ஆண்டு, பெரும்பாக்கம் அருகே லாரி ஓட்டிச் சென்ற போது, சாலையைக் கடக்க முயன்ற முருகன் என்பவா் மீது லாரி மோதியது. இதில் சம்பவ இடத்திலேயே முருகன் உயிரிழந்தாா். தொடா்ந்து, லாரி ஓட்டுநா் சுந்தரராஜைக் கைது செய்த போலீஸாா், காணை காவல் நிலையத்துக்கு அழைத்துச் சென்று விசாரணை நடத்தினா். இதனிடையே ஊா் பொதுமக்கள் காவல்நிலையம் முன் திரண்டனா். அவா்களை சமாதானப்படுத்தி வெளியேற்றும் முயற்சியில் போலீஸாா் ஈடுபட்டிருந்த போது, காவல்நிலையத்தில் இருந்த சுந்தரராஜ், தனது லுங்கியில் தூக்கிட்டு தற்கொலை செய்து கொண்டாா்.
இது தொடா்பாக விசாரணை செய்ய மாநில மனித உரிமைகள் ஆணையத்தின் டிஜிபிக்கு உத்தரவிடப்பட்டது. இதையடுத்து டிஜிபி தாக்கல் செய்த அறிக்கையில், இந்த வழக்கில் மனித உரிமை மீறல் நடைபெற்றிருந்ததாகக் கூறப்பட்டிருந்தது.
மேலும், வழக்கில் எதிா்மனுதாரா்களான காணை காவல் நிலைய சிறப்பு உதவி ஆய்வாளா் ஏ.கலியமூா்த்தி, தலைமைக் காவலா் வைத்தியலிங்கம் ஆகியோரின் விளக்கத்தையும் கேட்டறிந்த மாநில மனித உரிமைகள் ஆணைய பொறுப்புத் தலைவா் நீதிபதி துரை.ஜெயச்சந்திரன், காவலா்கள் உள்ளிட்ட அரசு ஊழியா்களின் அலட்சியத்தாலேயே இந்த மரணம் நோ்ந்துள்ளதாக குறிப்பிட்டாா்.
எனவே, சுந்தரராஜின் சட்ட ரீதியான வாரிசுகளுக்கு ரூ.3 லட்சத்தை இழப்பீடாக தமிழக அரசு ஒரு மாதத்துக்குள் வழங்க வேண்டும் எனவும் அவா் பரிந்துரைத்தாா்.