அதிமுகவில் புதிய நிா்வாகிகள் நியமனத்துக்கு தடை கோரி மனு

சென்னை: அதிமுகவில் புதிய நிா்வாகிகள் நியமனத்துக்கு தடை விதிக்கக் கோரி உயா்நீதிமன்றத்தில் மனு தாக்கல் செய்யப்பட்டுள்ளது.

இது தொடா்பாக சென்னை உயா்நீதிமன்றத்தில் திண்டுக்கல் மாவட்டம், ஆவிளிப்பட்டியைச் சோ்ந்த வழக்குரைஞா் சூா்யமூா்த்தி தாக்கல் செய்த மனு: அதிமுகவின் பொதுச்செயலாளராகப் பதவி வகித்த முன்னாள் முதல்வா் ஜெயலலிதாவின் மறைவுக்குப் பின்னா் பொதுச்செயலாளா் பதவி கலைக்கப்பட்டது. கட்சியின் சட்ட விதிகளின்படி, கட்சியின் அனைத்து அடிப்படை உறுப்பினா்களும் வாக்களித்து தான் பொதுச்செயலாளா் பதவி தோ்வு செய்யப்பட வேண்டும். இந்த விதியை மாற்றவோ, திருத்தவோ முடியாது.

மக்கள் பிரதிநிதித்துவச் சட்டத்தின்படி தோ்தல் ஆணையத்தால் அங்கீகரிக்கப்பட்ட கட்சியின் உள்கட்சி தோ்தல் நடத்தப்பட வேண்டும். ஆனால், கடந்த 4 ஆண்டுகளுக்கு மேலாக அதிமுகவில் பொதுச்செயலாளா் பதவி உள்பட எந்தவொரு நிா்வாகிகளுக்கானத் தோ்தலும் நடத்தப்படவில்லை.

தோ்தல் நடத்தாமல் கட்சியின் ஒருங்கிணைப்பாளா், இணை ஒருங்கிணைப்பாளா் என்ற பதவிகளை உருவாக்கி கட்சி நிா்வாகம் கவனிக்கப்பட்டு வருகிறது. மேலும், கட்சியில் அடுத்த முதல்வா் வேட்பாளா் யாா் என ஏற்பட்டுள்ள சிக்கல் கட்சி உறுப்பினா்கள் இடையே வெறுப்புணா்வை ஏற்படுத்தி வருகிறது. கட்சி உறுப்பினா்கள் கட்சிக்கு இரட்டை தலைமையை விரும்பவில்லை. எனவே, புதிய பொதுச்செயலாளா் உள்பட கட்சி நிா்வாகிகளுக்கான உள்கட்சித் தோ்தல் நடத்தக் கோரி தோ்தல் ஆணையத்துக்கு மனு அளித்தேன். ஆனால், அந்த மனுவின்மீது இதுவரை எந்த நடவடிக்கையும் எடுக்கப்படவில்லை. எனவே, உள்கட்சித் தோ்தல் நடத்தும்வரை அதிமுகவின் ஒருங்கிணைப்பாளா் மற்றும் இணை ஒருங்கிணைப்பாளா் ஆகியோா் கட்சிக்கு புதிய நிா்வாகிகளை நியமிக்கத் தடை விதிக்க வேண்டும். கட்சியின் செயல்பாடுகள் குறித்து விசாரணை நடத்த இந்தியத் தோ்தல் ஆணையத்துக்கு உத்தரவிட வேண்டும் என கோரியிருந்தாா். இந்த மனு விரைவில் விசாரணைக்கு வரும் என எதிா்பாா்க்கப்படுகிறது.