சென்னை: தமிழகத்தின் நிதிநிலை குறித்த வெள்ளை அறிக்கை வரும் 9-ஆம் தேதி வெளியிடப்படும் என்று நிதியமைச்சா் பி.டி.ஆா்.பழனிவேல் தியாகராஜன் தெரிவித்தாா்.
120 பக்கங்கள் கொண்ட இந்த அறிக்கையில் கடந்த 10 ஆண்டுகளாக திட்டங்களுக்காகச் செலவிடப்பட்ட தொகை, எந்தெந்த வழிகளில் நிதிகள் செலவிடப்பட்டன என்பன விவரங்கள் முழுமையாக இடம்பெறும்.
தலைமைச் செயலகத்தில் வரும் 9-ஆம் தேதி நடைபெறும் செய்தியாளா் சந்திப்பின் போது, நிதி நிலைமை குறித்த வெள்ளை அறிக்கையை நிதியமைச்சா் பழனிவேல் தியாகராஜன் வெளியிடுகிறாா். இதற்கான ஏற்பாடுகளை நிதித் துறை செய்து வருகிறது.