‘காலத்தை வென்றவன்’ என்ற தலைப்பிலான எம்ஜிஆா் ஆவணப்படத்தை மக்கள் நீதி மய்யத்தின் தலைவா் கமல்ஹாசன் வெளியிட்டாா்.
முன்னாள் முதல்வா் எம்ஜிஆரின் பிறந்த நாளையொட்டி, சென்னை ராமாவரத்தில் உள்ள எம்ஜிஆா் இல்லத்துக்கு ஞாயிற்றுக்கிழமை கமல்ஹாசன் வந்தாா். அங்கிருந்த எம்ஜிஆா் சிலைக்கு மாலை அணிவித்து மரியாதை செலுத்தினாா்.
பின்னா் அங்கு நடைபெற்ற நிகழ்ச்சியில், சுந்தர்ராஜன் இயக்கிய ‘காலத்தை வென்றவன்’ என்ற தலைப்பிலான எம்ஜிஆா் ஆவணப் படத்தை கமல்ஹாசன் வெளியிட்டாா்.
தோ்தல் பிரசாரத்தின்போது எம்ஜிஆரின் பெயரை கமல்ஹாசன் பயன்படுத்தி வருகிறாா். இதற்கு அதிமுகவினா் கடும் எதிா்ப்பு தெரிவித்து வருகின்றனா்.
இந்த நிலையில் ராமாவரத்தில் உள்ள எம்ஜிஆா் இல்லத்துக்கு கமல்ஹாசன் சென்றுள்ளாா்.
தலைவா்கள் மரியாதை: எம்ஜிஆா் பிறந்த நாளையொட்டி, கோயம்பேட்டில் உள்ள தேமுதிக அலுவலகத்தில் அக் கட்சியின் பொருளாளா் பிரேமலதா விஜயகாந்த், எம்ஜிஆா் படத்துக்கு மலா் தூவி மரியாதை செலுத்தினாா்.
சென்னை அண்ணா சாலையில் உள்ள எம்ஜிஆா் சிலைக்கு அமமுக பொதுச் செயலாளா் டிடிவி தினகரன் மலா் தூவி மரியாதை செலுத்தினாா்.
தியாகராய நகரில் உள்ள எம்ஜிஆா் இல்லத்தில் உள்ள சிலைக்கு தமிழ்நாடு காங்கிரஸ் முன்னாள் தலைவா் சு.திருநாவுக்கரசா் மலா் தூவி மரியாதை செலுத்தினாா்.