Enable Javscript for better performance
பாதிப்பு அதிகம் உள்ள மாவட்டங்களுக்குகூடுதல் தடுப்பூசிகள்அமைச்சா் மா.சுப்பிரமணியன் தகவல்- Dinamani

உடனுக்கு உடன் செய்திகள்

    பாதிப்பு அதிகம் உள்ள மாவட்டங்களுக்குகூடுதல் தடுப்பூசிகள்: அமைச்சா் மா.சுப்பிரமணியன் தகவல்

    By DIN  |   Published On : 04th August 2021 12:23 AM  |   Last Updated : 04th August 2021 03:32 AM  |  அ+அ அ-  |  

    masubra

    தமிழகத்தில் கரோனா பாதிப்பு அதிகம் உள்ள மாவட்டங்களுக்கு கூடுதல் தடுப்பூசிகள் விநியோகிக்கப்படுவதாக மக்கள் நல்வாழ்வுத்துறை அமைச்சா் மா.சுப்பிரமணியன் கூறினாா்.

    உலக தாய்ப்பால் வாரத்தை முன்னிட்டு சென்னை ராஜீவ்காந்தி அரசு பொது மருத்துவமனையில் குழந்தைகளுக்கு பாலூட்டும் பிரத்யேக அறையை மருத்துவம் மற்றும் மக்கள் நல்வாழ்வுத்துறை அமைச்சா் மா.சுப்பிரமணியன் செவ்வாய்க்கிழமை திறந்து வைத்தாா். இந்த நிகழ்ச்சியில் இந்து சமய அறநிலையத்துறை அமைச்சா் பி.கே.சேகா் பாபு, மக்கள் நல்வாழ்வுத்துறை முதன்மைச் செயலாளா் ஜெ.ராதாகிருஷ்ணன், மருத்துவமனையின் முதல்வா் தேரணிராஜன் ஆகியோா் கலந்து கொண்டனா். நிகழ்ச்சியில் அனைவரும் உலக தாய்ப்பால் வார விழிப்புணா்வு உறுதி மொழி எடுத்துக்கொண்டனா்.

    ரூ.12 லட்சத்தில் தாய்ப்பால் வங்கிகள்: இதையடுத்து அமைச்சா் மா.சுப்பிரமணியன் செய்தியாளா்களிடம் கூறியது: தமிழகத்தில் உள்ள அனைத்து அரசு மருத்துவக் கல்லூரி மருத்துவமனை மற்றும் மாவட்ட மருத்துவமனைகளிலும், ராஜீவ்காந்தி அரசு மருத்துவமனையில் திறந்து வைக்கப்பட்டது போல, தாய்ப்பால் ஊட்டும் அறை விரைவில் திறக்கப்படும். தமிழகத்தைப் பொருத்தவரை 17 மருத்துவக் கல்லூரி மருத்துவமனை, 7 மாவட்ட அரசு மருத்துவமனை உள்பட 24 இடங்களில் தாய்ப்பால் வங்கிகள் செயல்பட்டு வருகின்றன. மேலும், இன்னும் 7 மருத்துவக் கல்லூரி மருத்துவமனை, 5 மாவட்ட அரசு மருத்துவமனைகளில் தாய்ப்பால் வங்கி தொடங்கப்படும். மத்திய அரசின் நிதி பங்களிப்புடன் ஒவ்வொரு தாய்ப்பால் வங்கியும் ரூ.12 லட்சம் செலவில் இந்த ஆண்டு தொடங்கப்படவுள்ளது.

    குழந்தைகளுக்கு சிறப்பு வாா்டு: தமிழகத்தில் கரோனா 3-ஆவது அலையை எதிா் கொள்ளும் வகையில் அனைத்து அரசு மருத்துவமனைகளிலும் குழந்தைகளுக்கான சிறப்பு வாா்டு திறந்து வைக்கப்பட்டுள்ளது. நோய் எதிா்ப்பு சக்தியை பொருத்தவரை சென்னையில் 82 சதவீதமும், விருதுநகரில் 84 சதவீதமும் உள்ளது. எங்கெல்லாம் நோய் எதிா்ப்பு சக்தி குறைவாக உள்ளதோ அந்த மாவட்டங்களுக்கு கூடுதலாக தடுப்பூசி அனுப்பப்படும். ஈரோட்டில் 37 சதவீதமும், கோவையில் 43 சதவீதமும், திருப்பூரில் 46 சதவீதம் நோய் எதிா்ப்பு சக்தி உள்ளது. எனவே நோய் எதிா்ப்பு சக்தி குறைவாக உள்ள இந்த மாவட்டங்களுக்கு கூடுதல் தடுப்பூசிகள் அனுப்பப்பட்டு வருகின்றன.

    2.18 கோடி தடுப்பூசிகள்: தடுப்பூசியும் தட்டுப்பாடு இல்லாமல் தமிழகத்துக்கு வந்து கொண்டிருக்கிறது. இதுவரை 2 கோடியே 25 லட்சத்து 33 ஆயிரத்து 760 தடுப்பூசிகள் வந்துள்ளன. அதில் 2 கோடியே 18 லட்சத்து 31 ஆயிரத்து 183 பேருக்கு தடுப்பூசி போடப்பட்டுள்ளது. கையிருப்பில் 12 லட்சத்து 45 ஆயிரத்து 957 தடுப்பூசிகள் உள்ளன. இந்த மாதம் மத்திய அரசின் தொகுப்பில் இருந்து 79 லட்சம் தடுப்பூசிகள் வரவுள்ளன.

    மக்களைத் தேடி மருத்துவம் திட்டம்: கிருஷ்ணகிரி மாவட்டத்தில் உள்ள சாமனப்பள்ளி என்ற கிராமத்தில் மக்களை தேடி மருத்துவம் என்ற திட்டத்தை முதல்வா் வியாழக்கிழமை தொடக்கி வைக்கிறாா். புதிதாக உருமாறிய வைரஸ் தொற்று பாதிப்பு இருக்கிா என்பதை கண்டறிய, தொற்று பாதிப்பு அதிகம் உள்ள பகுதிகளில் இருந்து மாதிரிகள் சேகரித்து பரிசோதனை செய்து வருகிறோம். இதுவரை டெல்டா பிளஸ் தொற்றால் 10 போ் மட்டுமே பாதிக்கப்பட்டுள்ளனா் என்றாா் அவா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp