மணிப்பூர் ஆளுநராக நியமிக்கப்பட்டுள்ள பாஜக மூத்த தலைவா் இல.கணேசன் தனது பாஜக தேசியக் குழு உறுப்பினர் உள்ளிட்ட அடிப்படை உறுப்பினர் பதவியை இல.கணேசன் இன்று ராஜிநாமா செய்தார்.
இல. கணேசனை மணிப்பூர் மாநில ஆளுநராக நியமனம் செய்து குடியரசுத் தலைவா் ராம்நாத் கோவிந்த் அலுவலகம் ஞாயிற்றுக்கிழமை உத்தரவு வெளியிட்டது.
இதையடுத்து, சென்னையில் தமிழக பாஜக அண்ணாமலையை நேரில் சந்தித்த இல.கணேசன் தனது பாஜக தேசியக் குழு உறுப்பினர் மற்றும் அடிப்படை உறுப்பினர் பதவியை ராஜிநாமா செய்து கடிதம் வழங்கினார்.
முன்னதாக மாநிலங்களவை உறுப்பினர், தமிழக பாஜக அமைப்புச் செயலாளா், தேசியச் செயலாளா், அகில இந்திய துணைத் தலைவா், தமிழக பாஜக தலைவா் உள்ளிட்ட பல பொறுப்புகளை இல.கணேசன் வகித்தது குறிப்பிடத்தக்கது.