சென்னை: அதிமுகவிலிருந்து முன்னாள் அமைச்சா் அன்வா் ராஜாவை நீக்கம் செய்து அக் கட்சியின் ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி கே. பழனிசாமி ஆகியோா் அறிவித்துள்ளனா்.
அதிமுகவின் செயற்குழு கூட்டம் புதன்கிழமை (டிச.1) நடைபெற உள்ள நிலையில், கருத்து மோதலைத் தடுக்கும் வகையில் அன்வா் ராஜா நீக்கம் செய்யப்பட்டுள்ளாா்.
இது தொடா்பாக செவ்வாய்க்கிழமை ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி கே. பழனிசாமி ஆகியோா் வெளியிட்ட அறிவிப்பு: அதிமுகவின் கொள்கைக்கு முரணான வகையிலும், கட்சியின் கண்ணியத்துக்கு மாசு ஏற்படுத்தும் வகையிலும், தலைமையின் கருத்துக்கு மாறான கருத்துகளைத் தெரிவித்து கட்சியைக் களங்கப்படும் வகையிலும் செயல்பட்டதால் ராமநாதபுரம் மாவட்டத்தைச் சோ்ந்த முன்னாள் அமைச்சா் அன்வா் ராஜா கட்சியின் அடிப்படை உறுப்பினா் உள்பட அனைத்துப் பொறுப்புகளில் இருந்தும் நீக்கி வைக்கப்படுகிறாா்.
அதிமுகவினா் யாரும் அவருடன் எவ்வித தொடா்பும் வைத்துக் கொள்ளக்கூடாது என்று கூறியுள்ளனா். அதிமுகவின் சிறுபான்மையினா் நலப் பிரிவுச் செயலாளராக அன்வர்ராஜா இருந்து வந்தாா்; நாடாளுமன்ற உறுப்பினராகவும் இருந்துள்ளாா்.
சட்டப்பேரவைத் தோ்தலில் அதிமுக தோல்வி அடைந்த நிலையில், பாஜகவுடன் கூட்டணி அமைத்ததால்தான் கட்சி தோல்வி அடைந்தது என்று அன்வா் ராஜா கருத்து தெரிவித்தாா். அது அதிமுகவினா் மத்தியில் அதிருப்தியை ஏற்படுத்தியது.
அதன்பின், அதிமுகவுக்கு சசிகலா தலைமை தாங்க வேண்டும் என்று கூறி, எடப்பாடி கே. பழனிசாமியையும் கடுமையாக அன்வா் ராஜா விமா்சித்தாா். இந்தக் கருத்து அண்மையில் நடைபெற்ற அதிமுக மாவட்டச் செயலாளா்கள் கூட்டத்தில் எதிரொலித்தது. அன்வா் ராஜா பேசத்தொடங்கும்போது முன்னாள் அமைச்சா் சி.வி.சண்முகம் உள்ளிட்ட முக்கிய நிா்வாகிகள் அவரது பேச்சுக்கு எதிா்ப்புத் தெரிவித்ததுடன், எடப்பாடி கே. பழனிசாமியை ஒருமையில் பேசியதற்காக மன்னிப்புக் கேட்க வேண்டும் என்று வலியுறுத்தினா். அதைத் தொடா்ந்து அன்வா் ராஜா அந்தக் கூட்டத்தில் மன்னிப்பு கேட்டாா்.
இந்த விவகாரத்தைப் பெரிதுபடுத்த விரும்பவில்லை என்று எடப்பாடி கே. பழனிசாமியும் கூறியிருந்தாா். ஆனால், கூட்டத்தில் நடைபெற்ற விவரங்களை ஒப்புக்கொண்டு அன்வா் ராஜா ஊடகங்களில் கருத்து தெரிவித்தாா். இது அதிமுக தலைமைக்கு மீண்டும் அதிருப்தியை ஏற்படுத்தியது.