சென்னை திருமங்கலத்தில், பள்ளி மாணவா்கள் வாட்ஸ்ஆப் குழுவில் ஆபாச விடியோக்களை பகிா்ந்ததாக கணித ஆசிரியா் கைது செய்யப்பட்டாா்.
சென்னை அருகே உள்ள அம்பத்தூரைச் சோ்ந்தவா் மதிவாணன். இவா் திருமங்கலத்தில் உள்ள ஒரு தனியாா் பள்ளியில் மேல்நிலை வகுப்புக்கான கணித ஆசிரியராக வேலை செய்து வருகிறாா். ஆன்லைன் வகுப்பு நடத்துவதற்கும், வீட்டுப்பாடங்களை அனுப்புவதற்கும், வகுப்பு தகவல்களைக் பரிமாறி கொள்வதற்கும் பிளஸ் 2 வகுப்பு மாணவா்களுக்கான வாட்ஸ்ஆப் குழு உள்ளது. இந்த குழுவில் வகுப்பு ஆசிரியா், தலைமை ஆசிரியா் ஆகியோரும் உள்ளனா்.
இந்நிலையில் இக்குழுவில் மதிவாணன், அண்மையில் இரு ஆபாச விடியோக்களை பதிவிட்டுள்ளாா். இதைப் பாா்த்த மாணவ-மாணவிகள் அதிா்ச்சியடைந்தனா். இது தொடா்பாக மாணவா்களின் பெற்றோா், பள்ளி நிா்வாகத்திடம் புகாா் செய்தனா். அந்தப் புகாரின் அடிப்படையில் மதிவாணனிடம் விசாரணை நடத்தப்பட்டது. விசாரணையின் முடிவில் மதிவாணன் பணி நீக்கம் செய்யப்பட்டதாக அறிவிக்கப்பட்டது.
மேலும் பள்ளி நிா்வாகம், இச்சம்பவம் தொடா்பாக திருமங்கலம் காவல் நிலையத்தில் புகாா் அளித்தது. அதன் அடிப்படையில் போலீஸாா், தகவல் தொழில்நுட்பச் சட்டம் உள்ளிட்ட பல்வேறு பிரிவுகளில் மதிவாணன் மீது வழக்குப் பதிவு செய்தனா். இதற்கிடையே இந்த வழக்குத் தொடா்பாக மதிவாணன் சனிக்கிழமை கைது செய்யப்பட்டாா்.