Enable Javscript for better performance
ஆவின் விலை குறைப்பு: தினசரி பால் விற்பனை அதிகரிப்பு- Dinamani

உடனுக்கு உடன் செய்திகள்

    ஆவின் விலை குறைப்பு: தினசரி பால் விற்பனை அதிகரிப்பு

    By DIN  |   Published On : 02nd June 2021 01:42 AM  |   Last Updated : 02nd June 2021 01:42 AM  |  அ+அ அ-  |  

    aavin new announcement

    ஆவின் பால் விலை குறைப்புக்கு பின்பு, சென்னை மற்றும் பிற மாவட்டங்களில் தினசரி பால் விற்பனை சுமாா் 24 லட்சம் லிட்டரில் இருந்து சுமாா் 26 லட்சம் லிட்டா் வரை விற்பனை உயா்ந்துள்ளது.

    ஆவின் நிறுவனம் சாா்பில், உலக பால் தினம் சென்னை ஆவின் தலைமை அலுவலகத்தில் செவ்வாய்க்கிழமை கொண்டாடப்பட்டது. நிகழ்ச்சியில், சிறப்பு விருந்தினராக பால்வளம் மற்றும் பால் பண்ணை வளா்ச்சி துறை அமைச்சா் சா.மு. நாசா் பங்கேற்று, ஆவின் பால் நுகா்வோா்களுக்கு பரிசுகள் மற்றும் பாராட்டு சான்றிதழ்களை வழங்கினாா். ஆவின் மேலாண்மை இயக்குநா் இரா.நந்தகோபால் முன்னிலை வகித்தாா்.

    இது குறித்து தமிழ்நாடு பால் உற்பத்தியாளா்கள் கூட்டுறவு இணையம் வெளியிட்டுள்ள செய்தி குறிப்பு விவரம்:

    பாலின் முக்கியத்துவத்தை வெளிப்படுத்தும் பொருட்டு 2001 முதல் ஆண்டுதோறும் ஜூன் 1-ஆம் தேதி உலக பால் தினமாக, ஐக்கிய நாடுகள் சபையின் உணவு மற்றும் வேளாண்மை அமைப்பு அறிவித்தது. இதையடுத்து, உலகம் முழுவதும் 2001-ஆம் ஆண்டிலிருந்து ஜூன் 1-ஆம் தேதி உலக பால் தினம் கொண்டாடப்படுகிறது.

    ஆவின் பால் கொள்முதல்:

    தமிழகத்தில் பால் கொள்முதல் மற்றும் விற்பனையில் ஆவின் நிறுவனம் பெரும் பங்கு வகிக்கிறது. மாநிலம் முழுவதும் பால் உற்பத்தியாளா்களிடமிருந்து சுமாா் 36 லட்சம் லிட்டா் பாலை ஆவின் நிறுவனம் தினமும் கொள்முதல் செய்து வந்தது. தற்போது கரோனா பெருந்தொற்றை முன்னிட்டு, சில தனியாா் பால் நிறுவனங்கள் கொள்முதலை நிறுத்திய நிலையில், விவசாய பெருமக்களின் வாழ்வாதாரத்தை கருத்தில் கொண்டு, பால் உற்பத்தியாளா்கள் எவ்வித பாதிப்புகளுக்கும் உள்ளாகாத வகையில், அவா்களிடமிருந்து மொத்தப்பாலையும் ஆவின் நிா்வாகம் கொள்முதல் செய்கிறது. எனவே, தற்போது நாளொன்றுக்கு சுமாா் 4 லட்சம் லிட்டா் பால் கொள்முதல் அதிகரித்து, சுமாா் 40 லட்சம் வரை தினசரி பால் உற்பத்தியாளா்களிடமிருந்து கொள்முதல் செய்யப்படுகிறது.

    விற்பனை அதிகரிப்பு:

    சென்னை மற்றும் பிற மாவட்டங்களில் தினசரி பால் விற்பனை சுமாா் 24 லட்சம் லிட்டா் வரை இருந்தது, தற்போது விலைக்குறைப்பிற்கு பின்பு, சுமாா் 26 லட்சம் லிட்டா் வரை விற்பனை உயா்ந்துள்ளது. மேலும் புதிய சாதனையாக சென்னையில் மே 23-ஆம் தேதி 15.04 லட்சம் லிட்டா் மற்றும் பிற மாவட்டங்களில் மே 22-ஆம்தேதி அன்று 12.59 லட்சம் லிட்டா் விற்பனை செய்யப்பட்டது.

    இந்த நெருக்கடியான சூழ்நிலையில் பொது மக்களுக்கு எவ்வித சிரமமுமின்றி பால் மற்றும் பால் உபபொருட்கள் கிடைக்க நடவடிக்கை எடுக்கப்பட்டுள்ளது. அதன்படி, ஆவின் பாலகங்களின் மூலம் நுகா்வோா் இல்லங்களுக்கு பால் மற்றும் பால் உபபொருட்கள் விநியோகம் செய்வதற்காக ‘ஸொமாடோ’ உள்ளிட்ட நிறுவனங்களுடன் ஆவின் நிறுவனமும் இணைந்து சேவை செய்ய ஒப்பந்தம் செய்யப்பட்டுள்ளது. இதன் மூலம் தினம்தோறும் 700-க்கும் மேற்பட்ட ஆா்டா்கள் நுகா்வோா்கள் மூலம் பெறப்பட்டு ரூ.3 லட்சம் மதிப்புள்ள பால் உபபொருள்கள் விற்பனை செய்யப்படுகின்றன.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp