தமிழக பாஜக மாநில செயற்குழு மற்றும் பொதுக்குழு கூட்டம் கமலாலயத்தில் தொடங்கி நடைபெற்று வருகிறது.
சென்னை கமலாலயத்தில் இன்று காலை 11 மணியளவில் தொடங்கியுள்ள கூட்டம் காணொளி மூலம் நடைபெற்று வருகிறது.
பாஜக மாநில தலைவர் எல்.முருகன் தலைமையில் நடைபெறும் கூட்டத்தில் பாஜக பொதுச் செயலாளரும், தமிழக பார்வையாளருமான சி.டி.ரவி, இணை பொறுப்பாளர் சுதாகர் ரெட்டி, பாஜக சட்டப்பேரவை உறுப்பினர்கள், மாநில செயற்குழு உறுப்பினர்கள் கலந்துகொண்டுள்ளனர்.
இன்று மாலை வரை நடைபெறும் இந்தக் கூட்டத்தில் உள்ளாட்சித் தேர்தல் குறித்த ஆலோசனை செய்யப்படுகிறது. மேலும், தமிழகத்தின் பல பிரச்னைகள் குறித்தும் ஆலோசிக்கப்பட்டு சில முக்கிய தீர்மானங்களும் நிறைவேற்றப்பட உள்ளதாக தகவல்கள் தெரிவிக்கின்றன.