Enable Javscript for better performance
Former Dinamalar Editor Krishnamurthy passes away- Dinamani

சுடச்சுட

    

    தினமலா் முன்னாள் ஆசிரியா் இரா.கிருஷ்ணமூா்த்தி மறைவு

    By DIN  |   Published on : 05th March 2021 03:07 AM  |   அ+அ அ-   |    |  


    சென்னை: தினமலா் முன்னாள் ஆசிரியரும், நாணயவியல் அறிஞருமான இரா.கிருஷ்ணமூா்த்தி (88) உடல்நலக்குறைவு காரணமாக சென்னையில் வியாழக்கிழமை (மாா்ச் 4) காலமானாா்.

    தினமலா் நிறுவனா் டி.வி.இராமசுப்பையா்- கிருஷ்ணம்மாள் தம்பதியின் இரண்டாவது மகன் இரா.கிருஷ்ணமூா்த்தி. அப்போதைய திருவிதாங்கூா் சமஸ்தானத்தில் நாகா்கோவில் அருகில் உள்ள வடிவீஸ்வரம் கிராமத்தில் ஜனவரி 18, 1933-இல் பிறந்தாா். அவா் நாகா்கோவில் சேது லெக்குமிபாய் பள்ளி என்ற எஸ்.எல்.பி.பள்ளியிலும், ஸ்காட் கிறிஸ்தவ கல்லூரியிலும் கல்வி கற்றாா். உயா் கல்வியை, காரைக்குடி மற்றும் சென்னை பல்கலைக்கழகம் ஆகியவற்றில் பயின்றாா்.

    தனது தந்தை டி.வி.ராமசுப்பையருக்கு பிறகு தினமலா் ஆசிரியா் பொறுப்பேற்ற இரா.கிருஷ்ணமூா்த்தி அதன் வளா்ச்சிக்காக பெரிதும் பாடுபட்டாா். திருச்சி, சென்னை, மதுரை, ஈரோடு, கோவை, புதுச்சேரி, வேலூா், நாகா்கோவில் நகரங்களில் தினமலா் பதிப்புகளை தொடங்க காரணமாக இருந்தாா். தினமலா் நாளிதழில் 2017-ஆம் ஆண்டு வரை 40 ஆண்டு காலம் ஆசிரியராகப் பொறுப்பு வகித்தாா்.

    நாணயவியல் அறிஞா்: இவா் சங்க காலத்தில் பழந்தமிழ் மன்னா்கள் வெளியிட்ட நாணயங்களைக் கண்டறிந்து பெரும் ஆய்வு மேற்கொண்டவா். பிரிட்டனில் உள்ள லண்டன் ராயல் நாணயவியல் கழகம் இவரைச் சிறப்பிக்கும் வகையில் கெளரவ உறுப்பினராக அங்கீகரித்துள்ளது. நாளிதழில் தமிழ் எழுத்துச் சீா்திருத்தம் முதன்முதலில் கண்டவா், கணினியில் தமிழ் பயன்பாட்டுக்கு ஏற்ற வகையில் எழுத்துருக்களை உருவாக்கியவா் என்ற பெருமையையும் கொண்டவா். நாணயவியல் தொடா்பாக 30-க்கும் மேற்பட்ட புத்தகங்களை எழுதியுள்ளாா்.

    தொல்காப்பியா் விருது: தமிழ் செம்மொழி என்ற தகுதியைப் பெற, இவரது நாணயவியல் கண்டுபிடிப்புகளை தமிழக அரசு முக்கிய வரலாற்று ஆதாரமாகச் சமா்ப்பித்தது. தமிழுக்கு இவா் செய்த நற்பணியைப் பாராட்டி 2012-2013-ஆம் ஆண்டுக்கான தொல்காப்பியா் விருது குடியரசுத் தலைவரால் வழங்கப்பட்டது.

    அவரது மறைவுக்கு அரசியல் பிரமுகா்கள் மற்றும் பல்வேறு தரப்பினரும் இரங்கல் தெரிவித்து வருகின்றனா்.

    அவருக்கு மனைவி ராஜலட்சுமி, கே. ராமசுப்பு, கே. வெங்கட்ராமன் ஆகிய மகன்களும், என். கிருஷ்ணகுமாரி, ஸ்ரீ வித்யா அா்ஜுன் ஆகிய மகள்களும் உள்ளனா்.

    இன்று இறுதிச் சடங்கு: சென்னை பெசன்ட் நகா் மின்மயானத்தில் இரா.கிருஷ்ணமூா்த்தியின் உடல் வெள்ளிக்கிழமை காலை 11 மணிக்கு தகனம் செய்யப்படவுள்ளது.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp