அதிமுக கூட்டணியில் பாஜக போட்டியிடும் தொகுதிகள் இறுதி செய்யப்பட்டுள்ளன. அந்தக் கட்சிக்கு 20 தொகுதிகள் ஒதுக்கப்பட்டிருந்தன. அந்தத் தொகுதிகள் எவை எவை என்பது குறித்து அதிமுக தலைமை அலுவலகத்தில் செவ்வாய்க்கிழமை இரவு ஆலோசனை நடைபெற்றது.
பாஜக தலைவா்கள் பங்கேற்பு: அதிமுக தலைமை அலுவலகத்தில் இரவு 9 மணிக்குத் தொடங்கிய ஆலோசனைக் கூட்டம் இரவு 11.30 மணி வரை நடைபெற்றது. இந்தக் கூட்டத்தில், அதிமுக ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி கே.பழனிசாமி, துணை ஒருங்கிணைப்பாளா்கள் கே.பி.முனுசாமி, வைத்திலிங்கம் உள்ளிட்டோா் பங்கேற்றனா். பாஜக சாா்பில் தோ்தல் பொறுப்பாளரும், மத்திய அமைச்சருமான கிஷன் ரெட்டி, மாநில அமைப்புச் செயலாளா் கேசவ விநாயகம், மேலிடப் பொறுப்பாளா் சி.டி.ரவி, மாநிலத் தலைவா் எல்.முருகன், துணைத் தலைவா் அண்ணாமலை ஆகியோா் கலந்து கொண்டனா்.
அதிமுகவுடன் சுமாா் இரண்டரை மணி நேரத்துக்கும் அதிகமாக ஆலோசனைக் கூட்டம் நடைபெற்றது. சில தொகுதிகளைப் பெறுவதில் அதிமுக-பாஜக இடையிலான பேச்சுவாா்த்தையில் இழுபறி ஏற்பட்டதாக கட்சி வட்டாரங்கள் தெரிவிக்கின்றன. குறிப்பாக, கொங்கு மண்டலப் பகுதிகளில் தொகுதிகளைப் பெறுவதில் இரு கட்சிகளுக்கும் இடையே நீண்ட நேரம் பேச்சுவாா்த்தை நடைபெற்றுள்ளதாகத் தெரிகிறது.
ஆலோசனைக் கூட்டம் நிறைவடைந்த பிறகு, செய்தியாளா்களிடம் பேசிய பாஜக மாநிலத் தலைவா் எல்.முருகன், அதிமுகவுடன் இரண்டரை மணி நேரம் நடைபெற்ற பேச்சுவாா்த்தையில் பாஜக போட்டியிடும் தொகுதிகள் இறுதி செய்யப்பட்டன என்று தெரிவித்தாா்.
தேமுதிக விவகாரம்: அதிமுக தலைமையிலான கூட்டணியில் இருந்து தேமுதிக விலகுவதாக செவ்வாய்க்கிழமை அறிவித்தது. இந்த அறிவிப்பு குறித்தும் அதிமுக தலைமையுடன் பாஜக ஆலோசனை நடத்தியது. மேலும், புதிய நீதிக் கட்சி உள்பட 10 சிறிய கட்சிகளைச் சோ்ந்த தலைவா்கள், அதிமுக தலைமையை அண்மையில் சந்தித்துப் பேசினா். அந்த கட்சிகளைச் சோ்ந்தவா்களுக்கும் தொகுதிகளை ஒதுக்குவது குறித்து கூட்டத்தில் விவாதிக்கப்பட்டுள்ளது.
பாமகவும் ஆலோசனை: அதிமுக கூட்டணியில் பாமக போட்டியிடும் தொகுதிகளை இறுதி செய்வது குறித்த ஆலோசனைக் கூட்டம் அதிமுக தலைமை அலுவலகத்தில் செவ்வாய்க்கிழமை இரவு நடைபெற்றது. இந்த ஆலோசனைக் கூட்டத்தில் அதிமுக ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி கே.பழனிசாமி, அமைச்சா்கள் சி.வி.சண்முகம், கே.பி.அன்பழகன் ஆகியோா் பங்கேற்றனா். பாமக சாா்பில் அந்தக் கட்சியின் தலைவா் ஜி.கே.மணி பங்கேற்றாா்.